Charter Document - 01130013

Regi Anglie et Archiepiscopo Ebor omnibusque Sancte Matris Ecclesie filiis Adam de Brus filius Ade de Brus salutem Notum sit caritati vestre me consilio et ammonitione uxoris mee et hominum meorum ad honorem Dei et Sancte Marie concessisse et hac carta mea confirmasse Canonicus in Gyseburne Deo servientibus pro Salute Regis Anglie et anime mee et uxoris mee et liberorum meorum et predecessorum meorum quicquid avus meus Robertus de Brus eis dedit et carta sua confirmavit viz totam Gyseburne cum omnibus ad eam pertinentibus id est viginti carucatas terre et duas bovatas quas habeant in bosco et plano pratis et pascuis et aquis per eosdem terminos et metas ex omni parte ville per quos ea avus meus tenuerat excepta Haya et Asadala quam retinui in manu mea sicut et ipse in manu sua retinuerat ab orientali parte semitam Ernaldi que ducit ab Holebec usque in moram Reliquam vero partem nemoris Asadale in parte occidentis et totam terram et pasturam ab occidente illius vize que ducit ad Hellewath ex utraque parte aque Salva foresta mea de Westwyth et totam moram a dextris usque ad introitum de Schelderscoh et inde totum nemus et moram a parte occidentis sicut aqua ducit ad Collemanhergas et inde totum sicut aqua ducit usque in Esc ad Dephil et exinde totum sicut via ducit a vado de sub Dephil in parte dextera usque ad Hayam Ernaldi de Hinderscoh et inde totum a parte aquilonis sicut vallis et aqua ducit ad viam que descendit versus Kildale et inde sicut magna via ducit ad semitam Ernaldi que descendit in Golstandalam et inde totum in parte dextera sicut semita ducit usque ad aquam Golstandale et inde ad vallem et aquam que dividit territorium Gyseburne et Hotuni et inde per rivulum usque ad magnam viam de Otheneberg et inde totum sicut via ducit ad semitam que est desuper nemus Hotune illis concessi Concessi etiam prefatis Canonicus molendina in Gyseburne cum soca et molta sicut ea habuit avus meus Robertus ita quod nullus faciat molendina in parochia ejusdem ville absque Canonicus licentia et concessu De terra autem filii Gaufridi et de terra Uctredi de Clivelanda liberum habeant servitium quod avo meo debebatur Concessi etiam supradictis fratribus totam Lyum scilicet novem carucatas terre cum illa parte de Cotum que illi adjacet et ceteris omnibus ad eam pertinentibus et decimam dominii mei de Lyum et ecclesiam de Mersc et ecclesiam de Burnus et ecclesiam de Scheltona et ecclesiam de Daneby et ecclesiam de Uplium et ecclesiam de Staintona et ecclesiam de Levintona et ecclesiam de Hert et ecclesiam de Strantona cum omnibus appendiciis et terris illarum quas ecclesias habeant et teneant prefati Canonicus ad sustentationem suam ita libere et quiete sicut aliqua Abbacia liberius et melius tenet in toto Archiepiscopatu Ebor Concessi etiam illis materiem in Eschadala in perpetuum ad edificia sua et cetera omnia necessaria domus sue Hec omnia supradicta concessi et presenti carta confirmavi predictis fratribus in liberam et quiet[am] et perpetuum elemosinam cum omnibus libertatibus et liberis consuetudinibus et dignitatibus quas in eis habuit Robertus avus meus ex donatione et concessione Henrici Regis Anglie Confirmavi et confirmo donationes hominum meorum factas prefate ecclesie viz ecclesiam de Ormesby cum omnibus appendiciis suis et molendinum de Kaldecotes cum terra sibi adjacente ex dono Ernaldi de Perci et dimidiam ecclesie de Martona cum omnibus sibi adjacentibus ex dono Roberti Sturmi et ecclesiam de Acclum ex dono Ailfredi et unam carucata terre in Arusum ex dono Willelmi Engelram et tres bovatas in Lofthus ex dono Thebaldi et unam bovata in Esintun ex dono Rogeri de Rosel Teste Waltero de Stainesby Dapifero Petro de Humath Gaufrido Baard Willelmo Engelram et Roberto fratre ejus Ada Capellano Hugone Scharboth Johanne Esturmi Gerardo de Lasce[le]s Roberto Esturmi Willelmo de Lium Ricardo de Normanby Willelmo filio Walteri de Stain[es]by Willelmo de Wicton Petro de Lyum Rogero Cath Wydone de Archis Willelmo filio Hugonis Willelmo filio Ervi