Charter Document - 01130011
| Charter Number: | 01130011 |
|---|---|
| Cartulary Title: | Cartularium Prioratus de Gyseburne [Guisborough] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1200 - 1222 |
| Date type: | Assigned |
| Resource Link(s): |
|
Charter:
Universis hanc cartam visuris vel audituris Petrus de Brus salutem Noverit universitas vestra me divine pietatis intuitu dedisse et concessisse et presenti carta mea confirmasse Deo et Beate Marie de Gyseburne et Canonicus ibidem Deo servientibus pro anima patris mei et matris mee et antecessorum meorum et pro salute anime mee et uxoris mee Johanne et liberorum meorum in puram et perpetuum elemosinam totum nemus sine ullo retine mento cum pastura in Hinderscog et in mora sicut via ducit que vadit de Gyseburne ad Daneby per semitam supra Hellewath et sic usque Todhou per magnam viam usque tres Hoggas et exinde usque Hengendenese et sic usque Slaipwath Ita quod liceat Canonicus de bosco secare asportare et quicquid voluerint facere sine cujus libet communione Salva communi pastura omnium hominum meorum de honore de Scheltona et hominum meorum de Daneby et salva turbera quam in manu mea retineo et salvis feris meis sic quod nullus hominum suorum feras capere nec arcum nec sagittas poterit portare nec aliquod ingenium invenire per quod bestie in predicta pastura capiantur Et notandum quod forestarii mei illic sicut alibi in foresta mea feras meas custodient Canonicus autem nec edificia nec clausturam nec fossatum ibidem sine consensu meo vel heredum meorum facere licebit Hiis testibus Willelmo de Tamton tunc senescallo Roberto de Estria Roberto de Tolebu Roberto Engram Roberto de Aclum Rogero de Aclum Willelmo de Thueng Ricardo de Levinton Godefrido de Hoga Eudone de Hometh Willelmo Clerico de Gyseburne Willelmo Clerico de Riccum Jordano de Estria et multis aliis