Charter Document - 01130002
| Charter Number: | 01130002 |
|---|---|
| Cartulary Title: | Cartularium Prioratus de Gyseburne [Guisborough] |
| Charter Language: | Latin |
| Charter Origin: | Lay |
| Charter Type(s): | Foundation |
| Date: | 1119 |
| Date type: | Assigned |
| Resource Link(s): |
|
Charter:
Regi Anglorum et Archiepiscopo Ebor omnibusque Matris Ecclesie filiis Robertus de Brus salutem Notum sit caritati vestre me consilio et ammonitione Calixti Pape secundi et Turstini Ebor Archiepiscopi quoddam monasterium Canonice religionis in Gyseburne ad honorem Dei et Sancte Marie fundasse ibique Canonicos regulares pro Regis Anglie et mei atque uxoris mee liberorumque Salute animarum constituisse et eidem Ecclesie atque Deo in ea servituris totam Gyseburne cum omnibus ad eam pertinentibus dedisse que habeant in bosco et plano pratis et pascuis per eosdem terminos et metas ex omni parte ville per quas eam tenueram excepta Haia et Asadala quam retinui in manu mea ab orientali parte semite Ernaldi que ducit ab Holebec usque moram Reliquam vero partem nemoris Asadale in parte occidentis et totam terram usque ad Hellawath et inde totam moram usque ad introitum de Schelderscoh et inde totum nemus et moram a parte occidentis sicut aqua ducit ad Colemanergas et inde totum sicut aqua ducit usque in Esc ad Depehil et inde totum sicut via ducit a vado de sub Dephil in parte dextera usque ad Haiam Ernaldi de Hinderscoh et inde totum a parte aquilonis sicut vallis et aqua ducit ad viam que descendit versus Kildalam et inde sicut magna via ducit de Othenesberg et inde totum sicut via ducit ad semitam que est desuper nemus Hotune illis concessi Dedi etiam prefate Ecclesie molendina mea in Gyseburne cum soca et molta sicut ea habui et ita ut nullus faciat molendina in parochia ejusdem ville absque Canonicorum licentia et concessu De terra autem filii Gaufridi et de terra Uctredi de Clivelanda liberum habeant servitium quod michi debebatur Dedi etiam supradictis fratribus totam Lyum cum illa parte de Cotum que illi adjacet et ceteris omnibus ad eam pertinentibus et ecclesiam de Mersc et ecclesiam de Burnnus et ecclesiam de Daneby et ecclesiam de Uplium et ecclesiam de Staintona et ecclesiam de Hert et ecclesiam de Strantona cum omnibus appendiciis et terris illarum Et volo ut de cedentibus clericis qui quasdam de predictis ecclesiis tenent habeant eas Canonici prefati ad sustentationem suam ita libere et quiete sicut aliqua Abbacia liberius et melius tenet in toto Archiepiscopatu Ebor Hec omnia supradicta dedimus et concessimus ego viz Robertus de Brus et Agnes uxor mea et Adam filius noster et heres Ecclesie Sancte Marie de Gyseburne et fratribus ibidem Deo servituris in liberam et quietam et perpetuam elemosinam cum omnibus libertatibus et liberis consuetudinibus et dignitatibus quas in eis habui mus ex donatione et concessione Henrici Regis Anglorum Quod si quis violaverit vel in diripiendo possessiones Ecclesie vel imminuendo dignitates Deum inde Ejusque matrem sentiat vindicem Confirmavimus etiam donationes hominum ipsorum factas prefate Ecclesie viz ecclesiam de Ormesby cum omnibus appendiciis suis et molendinum de Caldecothes cum terra sibi adjacente ex dono Ernaldi de Percy et dimidiam ecclesie de Martona cum omnibus sibi adjacentibus ex dono Roberti Sturmi et ecclesiam de Acclum ex dono Alveredi et unam carucata terre in Aresum ex dono Willelmi Engelram et tres bovatas in Lofthus ex dono Tedbaldy et unam bovatas in Esintun ex dono Rogeri de Rosel