Charter Document - 01112208

Johannes miseracione divina tituli sancti Stephani in celio monte presbiter cardinalis Sedis Apostolice legatus dilecto filio Walranno priori de Neddrum et successoribus ejus salutem et benediccionem Dignum est et racioni consentaneum ut viros religiosos quos divinis officiis novimus cotidie mancipatos ampliore cura et solicitudine foveamus et eorum peticiones debeamus quantum cum Deo possumus promovere Ea propter dilecti filii in domino justis vestris postulacionibus clementer annuimus et personas vestras et successorum vestrorum sub beati Petri et domini pape et nostra proteccione suscipimus et vos super hoc presentis scripti patrocinio communimus statuentes ut possessiones terras willas et cetera et bona que nunc de concessione nobilis viri Johannis de Curci seu aliorum proborum virorum juste et pacifice possidetis sive in futurum domino dante justis modis poteritis adipisci vobis et successoribus vestris firma et ille bata permaneant In quibus hec propriis duximus exprimenda vocabulis locum scilicet in quo domus vestra sita est ex donacione memorati Johannis de Curci ecclesiam in insula que vocatur Neddrum fundatam cum duabus partibus ejusdem insule et cum duabus partibus tocius terre que ad eandem ecclesiam pertinet et totam terram illam que fuit Gillanharna in Duffran et tres insulas in Lochwene quarum nomina sunt hec Scatra Raynche et Trasne Ex donacione vero Jurdani de Curci xv carucatas terre cum decimacione domus sue Ex presentacione autem Helie de Cestria ecclesiam de Balimor in qua villa construitur castellum ejus cum omnibus ecclesiasticis beneficiis ad eandem ecclesiam pertinentibus et unam carucatam terre in eadem villa ex dono Baldwini Ex presentacione autem Ricardi Masculi omnes ecclesias et capellas tocius terre sue quas habet in Ultonia de dono domini sui Johannis de Curci et de dono aliorum virorum tam in Clenelhirech quam in Lesmochan et in aliis locis cum omnibus ecclesiasticis beneficiis ad easdem ecclesias et capellas pertinentibus et unam carucatam terre in Thweth quod vocatur Clenelperth ex dono Stephani Locardi Ex dono Rogeri de Croft et Gilberti fratris ejus duas carucatas terre Decernimus autem ne cui liceat personas vestras molestare redditus possessiones et cetera bona vestra minuere subtrahere vel in aliquo perturbare set omnia integra et illibata permaneant eorum per quorum gubernacione[m] et sustentacionem sunt collata usibus omnimodis pro futura Indulgemus quoque vobis ut in terris in quibus de episcoporum concessione ecclesiastica beneficia canonice possidetis liceat vobis ea per omnia libere tenere salva in omnibus apostolice sedis auctoritate et diocesani episcopi canonica justicia Nulli ergo hominum omnino liceat hanc nostre proteccionis et confirmacionis paginam infringere vel ei ausu temerario contraire Si quis autem hoc attemptare presumpserit indignacionem Omnipotentis Dei et beatorum Petri et Pauli apostolorum ejus domini pape et nostram se noverit incursurum Anno domini MCCIJ hoc anno quinto pontificatus domini pape Innocentii tercii mense junii ix die stante Data Dunens