Charter Document - 01112057
| Charter Number: | 01112057 |
|---|---|
| Cartulary Title: | The Register of the Priory of St. Bees |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1285 |
| Date type: | Internal, Feast, Regnal |
| Resource Link(s): |
|
Charter:
Omnibus [] Robertus de Dereham salutem in domino Cum ego Robertus de Dereham nuper feoffassem Thomam de Weston Chriatianam uxorem eius et heredes ipsius Thome et assignatos de sex bouatis terre cum toftis et croftis et cum omnibus suis pertinenciis in uilla de Dereham prout continetur in carta in modum cyrographi confecta eisdem Thome et Christiane et heredibus ipsius Thome concessa et confirmata die Sabbati in octabis sancti Michaelis anno regni regis Edwardi filii regis Henrici terciodecimo pro quibus terris et tenementis predicti Thomas et Christiana et heredes vel assignati predicti Thome mihi et heredibus meis annuatim reddere debent per nouemdecem annos proximo sequentes plenarie completos unum denarium Et post terminum nouemdecem annorum reddere debent sex marcas argenti annuatim de quibus predictis sex marcis predictos Thomam et Christianam et heredes uel assignatos predicti Thome acquieto remitto et eciam pro me et heredibus meis inperpetuum quietum clamo Reddendo inde annuatim mihi et heredibus meis unum denarium ad Natale domini pro omnibus secularibus seruiciis sectis curie et demandis mihi et heredibus meis quoquo modo pertinentibus Faciendo tamen forinsecum seruicium quantum pertinet ad tantam terram in eadam uilla Et predicti Thomas et Christiana et heredes predicti Thome et tenentes predicti tenementi molent blada sua ad molendinum meum de Dereham ad tricesimum vas et quieti erunt de cariagio et omnibus aliis operibus molendini faciendis [] Hiis testibus dominis Thoma de Culewenn Roberto de Hawrington Waltero de Mulcastre Thoma de Derewentewater militibus Petro Deyncurt Thoma de Ribeton Bertino de Huctreset Thoma de Louthre Waltero le Harpeour Thoma domino de Eglesfeud et multis aliis
Source (click image below to view full size)
