Charter Document - 01110374

Cum contencio mota esset inter dominum Symonem abbatem sancte Marie Eboraci ex una parte et dominum Thomam filium Lamberti de Moleton dominum de Coupland ex altera de hoc quod idem Thomas clamabat facere districciones in terris ipsius abbatis in Saltergh et Wyndergh in comitatu Cumberl[andie] pro tribus solidatis et sex denariis annui redditus de Cornagio et pastu serviencium et pro witnesman et pro summonitoribus inveniendis ad faciendum districciones summoniciones et attachiamenta infra libertatem ipsius Thome in Couplandia predicta contencio in hunc modum conquievit videlicet quod predictus Thomas concessit et hoc presenti scripto confirmavit pro se et heredibus suis predicto abbati et successoribus suis et predicte ecclesie sue Sancte Marie et ecclesie sancte Bege et monachis ibidem Deo et beate Marie et sancte Bege servientibus inperpetuum omnia predicta tenementa de Salter et Wyndergh cum pertinenciis suis inperpetuum Et quod predicti Thomas et heredes sui et eorum ballivi de cetero non faciant aliquas districciones in predictis terris racione Cornagii pastus serviencium wittnesman seu pro predictis summonitoribus inveniendis nec racione alicujus alterius servicii inperpetuum Set quod predictus abbas et omnes successores sui et monachi de sancta Bega et eorum tenentes habeant et teneant omnes predictas terras et tenementa cum omnibus pertinenciis suis in liberam puram et perpetuam elemosinam liberam et quietam ab omni seculari servicio et exaccione inperpetuum Et adeo pure et libere sicut aliqua elemosina liberius concedi poterit et confirmari Et pro hac autem concessione et confirmacione predictus abbas cum assensu capituli sui dedit concessit et presenti scripto confirmavit predicto Thome filio Lamberti de Moleton totum servicium de toto tenemento quod Willelmus de Haygate et Alicia uxor ejus Johannes de Stanes Adam de Catgyll et Cristiana uxor ejus prius tenuerunt de predicto abbate et conventu in villa de Egyrmunde sine ullo retinemento Habend et tenend predicto Thome et heredibus suis bene et in pace inperpetuum In cujus rei testimonium parti hujus scripti cirographati penes predictum Thomam residenti predictus abbas sigillum capituli sui apposuit Et alteri parti hujus penes predictum abbatem residenti predictus Thomas sigillum suum pro se et heredibus suis apposuit Hiis testibus Johanne de Vallibus Willelmo de Seham Johanne de Metyngham magistro Thoma de Nudyngton tunc justiciariis domini regis itinerantibus apud Karliolum dominis Gilberto de Wyrkyngton tunc vicecomite Cumb[rie] Roberto de Molecastre Ranulfo de Dakyr Alano de Orreton Thoma de Cletergh Roberto de Haveryngton Ricardo de Flemmyng Johanne de Hodelston Alano de Penygton militibus Radulfo de Lamplogh Hugone de Moresceby Roberto clerico et aliis Datum apud Carliolum anno domini millesimo cc septuagesimo octavo et anno regni regis Edwardi filii regis Henrici septimo