Charter Document - 01110230
| Charter Number: | 01110230 |
|---|---|
| Cartulary Title: | The Register of the Priory of St. Bees |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1254 |
| Date type: | Internal, Regnal, Feast, Lunar |
| Resource Link(s): |
|
Charter:
Sciant omnes tam presentes quam futuri quod anno regni regis Henrici filii Johannis regis tricesimo octavo die lune proxima post decollacionem sancti johannis Baptiste ita convenit inter Robertum de Brainthwait petentem ex una parte et Johannem de Lestingham priorem sancte Bege ex altera [parte] super quodam brevi nove dissaysine quod dictus R[obertus] tulit super predictum priorem et homines suos contentos in brevi coram domino Johanne de Lexinton justiciario domini regis ad illam assisam capiendam scilicet quod dictus R[obertus] venit coram dicto J[ohanne] et retraxit se de brevi suo Ita scilicet dictus prior seu successores sui et homines eorum fodeant turbas una cum hominibus dicti R[oberti] super moram de Hensingham extra quoddam vetus fossatum versus aquilonem quod incipit a Sorachegil et se extendit ex transverso usque ad Witemire versus orientem et quod dictus prior seu sui successores vel eorum homines infra dictum fossatum versus partes australes de Hensingham decetero nullas turbas fodeant salva communi pastura herbagii priori sancte Bege qui pro tempore fuerit et suis hominibus et dicto R[oberto] et suis hominibus sicut esse consuevit Ad istam convencionem inter dictum priorem et predictum R[obertum] in omnibus fideliter observandam predictus R[obertus] presenti scripto cirographato sigillum suum apposuit Testibus hiis dominis Johanne de Mora Johanne de Langliver Roberto de Lamplow militibus Michaele de Haverington Ricardo le Flemyng Nicholao de Moreceby Benedicto de Rotington et aliis
Source (click image below to view full size)
