Charter Document - 01110089

Noverint universi quod cum Robertus de Haverington miles tulit breve coram domino Hugone de Cressingham et sociis suis justiciariis itinerantibus apud Karl[iolu]m in crastino animarum anno regni regis Edwardi vicesimo versus abbatem sancte Marie Eboraci quo jure idem abbas exigebat communiam pasture in terra dicti Roberti in Morton desicut idem Robert[us] non habuit communam in terris ipsius abbatis Nec idem abbas servicium ei facit quare communam in terra ipsius Roberti habere debuit Tandem ita conventum est inter eos quod predictus Robertus pro se et heredibus suis concessit quod dictus abbas et successores sui habeant et teneant tanquam jus ecclesie sue sancte Marie Eboraci et monachi sancte Bege in Coupeland communam pasture propriis averiis suis ad cellam sancte Bege pertinentibus in predicta villa de Merton ubique et in Weddaker que est hameleta de Morton sine contradiccione vel impedimento dicti domini Roberti heredum et assignatorum suorum imperpetuum Salvo predicto Roberto et suis heredibus quod possint se appruyare in terra arabili in predicta hameleta de Wedaker et in culturam redigere et pratum ubicunque facere Salvo predicto abbati et successoribus suis et monachis predictis communam pasture in terris et pratis apruyatis post vesturam asportatam et quod possunt communare cum omnibus propriis averiis suis ad cellam sancte Bege pertinentibus ubique super moram predictam cum libero introitu et exitu ubi averia prefati Roberti et tenencium suorum de Wedaker communant quolibet tempore anni In cujus rei testimonium sigillum predicti domini Roberti presentibus est appensum Hiis testibus domino Thoma de Colewey domino Johanne de Hodeleston domino Alano de Penyngton domino Alano de Coupeland domino Thoma de Hyreby militibus Hugone Moriceby Johanne fratre suo Ricardo de Cleter Roberto de Gosforde Willelmo de Rotington Johanne de Moring Symone de Aynerset Willelmo de Walton clerico et multis aliis