Charter Document - 01110044
| Charter Number: | 01110044 |
|---|---|
| Cartulary Title: | The Register of the Priory of St. Bees |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1187 - 1226 |
| Date type: | Assigned |
| Resource Link(s): |
People of Medieval Scotland |
Charter:
Ragnaldus Dei gracia rex Insularum omnibus sancte matris ecclesie filiis ad quos presens scriptum pervenerit salutem Sciatis me concessisse dedisse et hac presenti carta mea confirmasse pro salute mea et pro animabus parentum meorum necnon et pro statu regni mei Deo et sancte Bege in Couplandia et monachis ibidem Deo servientibus in puram et perpetuam elemosinam totam medietatem terre que vocatur Ormeshan illam medietatem scilicet que adjacet versus mare apud portum de Corna et aciam terram Asmundertoftes in bosco et plano in aqua et pastura et in omnibus aliis aisiamentis eisdem terris pertinentibus liberas et quietas et solutas ab omni terreno servicio tam de pecunia quam aqueus et ab omni gravamine tam a me quam ab omnibus hominibus meis cum eisdem legibus et libertatibus quas monachi sancte Marie de Russin habent Et ut mea donacio rata et inconcussa permaneat illam literarum mearum et sigilli mei apposicione corroboravi Hiis testibus Dermicio archidiacono Reginaldo capellano Gospatricio filio Henrici Reginaldo filio Dermicii Laurencio persona sancte Brigide et aliis multis