Charter Document - 01110043
| Charter Number: | 01110043 |
|---|---|
| Cartulary Title: | The Register of the Priory of St. Bees |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1154 - 1158 |
| Date type: | Assigned |
| Resource Link(s): |
People of Medieval Scotland |
Charter:
Sciant omnes tam presentes quam futuri quod ego Guthredus Dei gracia rex Insularum tam pro salute mea quam pro animabus patris et matris mee necnon et pro statu regni et populi mei concessi et dedi Deo et sancte Bege et monachis ibidem Deo servientibus in puram et perpetuam elemosinam terram que vocatur Eschedala in bosco et plano aqua et pastura et omnibus rebus eidem pertinentibus liberam solutam et quietam ab omni terreno servicio tam de pecunia quam et aquea et ab omni gravamine tam a me quam ab omnibus meis cum eisdem legibus et libertatibus quas habent super terram et homines suos circa ecclesiam sancte Bege in Coupalandia Terram eciam que vocatur Asmundertoftes de eis in additamentum prefate terre quamdiu potero eis warentie absque calumpnia alicuius meorum proborum virorum Quod si contigerit scilicet me non posse cum pace eis warentie ea dabo concambium eis ad valens de propinquioribus et sibi magis necessariis terris quas invenire liberas in manu mea poterunt cum eisdem legibus et libertatibus quas prediximus nos prefate terre concessisse Hanc vero donacionem fecimus eis in ex cambium pro ecclesia sancti Olavi et villula que vocatur Euastad quia nimis erat brevis et angusta eis tam ad culturam quam ad pascua animalium Hanc elemosinam servantibus et manu tenentibus sit pax continua et salus eterna de inimicis victoria Hiis testibus domino G episcopo Thoma capellano meo Gillochristo fratre et collactaneo meo