Charter Document - 01109274
| Charter Number: | 01109274 |
|---|---|
| Cartulary Title: | Cartularium abbathiae de Whiteby [Whitby] |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1225 |
| Date type: | Internal, Calendar, Papal |
| Resource Link(s): |
|
Charter:
Honorius Episcopus Servus servorum Dei dilectis filiis Priori et Cantori de Giseburne et Decano Clivelandie Eborac dioeceseos salutem et apostolum benedictionem Conquesti sunt nobis Abbas et Conventus de Wytebi quod Abbas et Conventus de Hep et quidam alii Eborac et Karleolensis dioecesium super quibusdam decimis et rebus aliis ad ecclesiam suam de Crossebi pertinentibus injuriantur eisdem ideoque discret[i]oni vestræ per apostolica scripta mandamus quatinus partibus convocatis audiatis causam ap[p]ellatione remota fine debito terminatis facientes quod statueritis per censuram ecclesiasticam firmiter observari Testes autem qui fuerint nominati si se gratia odio vel timore subtraxerint per censuram eandem ap[p]ellatione cessa[n]te cogatis veritati testimonium perhibere Quod si non omnes hiis exequendis potueritis interesse duo vestrum ea nihilominus exequantur Datum Laterani xv kalendas Martii Pontificatus nostri anno octavo
Source (click image below to view full size)
