Charter Document - 01105338

Thomas de Foveys Officialis et Commissarius d[omi]ni Archidiaconi Karl[iolensi] judiciarius a Sede Apostolica delegatus discreto viro Decano Westmarie s[alutem] in Domino Au[c]toritate d[omi]ni Pape qua fungimur in hac parte vobis in virtute obedientie qua Sedi Apostolice tenemini firmiter injungendo mandamus quatinus denuntietis et denuntiari faciatis in singulis ecclesiis vestri decanatus singulis diebus dominicis et festivis Abbatem Priorem Sacristam Thesaurarium Precentorem Cellararium et Camerarium Monasterii de Whiteby o[rdinis] s[ancti] Benedicti et m[agist]rum Willelmum de Foston Clericum Eboraci dioeceseos ut prius esse excommunicatos inhibentes omnibus et singulis in decanatu vestro existentibus sub pena majoris excommunicationis ne cum eis communicent Denuntietis etiam et denuntiari faciatis in predictis ecclesiis et diebus antedictis R[ufinus] Decanum Christianitatis Clivelandie et Astinum de Thornton Clericum qui die Jovis proximo post f[estum] Purificationis b[eate] v[irginis] Marie nostram jurisdictionem et con commissariorum nostrorum ad mandatum Decani Christianitatis Riponie auctoritate litterarum d[omi]ni Pape per predictum Abbatem et Conv[entum] de Whiteby temere impetratorum et legitime auctoritate litterarum d[omi]ni Pape cass[aturum] revoca[tarum] et irritaturum in prejudicium Willelmi de Sevanak Clerici et gravamen non absque magna malitia presumpserunt impedire legitimis monitionibus premissis majori excommunicatione esse per nos auctoritate Apostolica excommunicatos et ab omnibus arc[t]ius evitandos Ad hec quia quidem ausu temerario excommunicationi mandatorum nostrorum dudum se opposuerunt vobis eadem auctoritate qua prius mandamus quod in locis predictis et in diebus antedictis denuntietis et denuntiari faciatis omnes et singulos auctoritate Apostolica per nos majori excommunicatione esse in scriptis excommunicatos qui excitores mandatorum nostrorum quoquomodo impedire presumpserunt vel presumunt seu de cetero presument et omnes qui consilium vel auxilium ad hoc impenderunt vel impendunt seu de cetero impendent et de nominibus eorum diligenter inquiratis et inquiri faciatis nobisque de eis quam cito poteritis constare faciatis Nihilominus citetis peremptorie pred[ictos] Abbatem et Conv[entum] quod die Jovis proximo post f[estum] s[ancti] Mathie Apostoli coram nobis vel con commissariis nostris in Ecclesia Cathedrali Karliol[ensi] compareant et intersint publicationis testium et attestatum in causa que vertitur coram nobis super ecclesia de Crosseby Ravenswarth inter pred[ictos] Abbatem et Conv[entum] ex parte una et Willelmum memoratum ex altera et ulterius facturi et recepturi cum continuatione et prorogatione dierum in causa memorata quod postulabit ordo juris Denuntietis et eisdem quod quia dicti Abbas et Conv[entus] per suos executioni mandatorum nostrorum se composuerunt et sic per eos stetit quominus mandata nostra fuistis executi nos habentes ea pro exsecutis in pena contumacie eorum testes dicti Willelmi recepimus in causa memorata Quid autem feceritis super hiis nos vel con commissarios nostros dictis die et loco per litteras vestras patentes harum seriem continentes certificetis Valete Datum Karleoli die Veneris proximo post Purificationem b[eate] v[irginis] Marie a[nno] d[omini] millesimo CC sexagesimo quarto