Charter Document - 01105313

Omn[ibus] Christi fidelibus p[resentes] litteras inspecturis et audituris Walterus miseratione Divina Karleol[ensis] Ecclesie Minister humilis s[alutem] in d[omi]no Ne ea que ad pacem perpetuam et tranquillitatem Religiosorum proinde sunt statuta alicujus arbitrio seu voluntate facile dissolvantur ad vestram volumus pervenire notitiam quod cum viri Religiosi Rogerus Abbas de Whiteby et ejusdem loci Conv[entus] taxationem vicarie ecclesie sue de Crosseby Ravenswarth ordinationi nostre sponte et absolute commisissent nos habita deliberatione necnon etiam tractatu super eo cum discretis pensatis et taxatis facultatibus ipsius ecclesie per viros fide dignos vicariam ipsam ordinavimus in forma subscripta videl[icet] quod vicarius qui pro tempore erit habeat totum alter agium cum viginti acris terre et duobus toftis ante portam quondam Ricardi de Camera que quidem ei pro vicaria imperpetuum assignavimus Reddendo inde annuatim dictis Monachis de Whiteby viginti solidos medietatem scil[icet] ad f[estum] s[ancti] Martini in yeme et med[ietatem] ad Pentecosten et salva dictis Mon[achis] decima lane et agnorum totius parochie predicte cum duabus partibus feni de dominico ville de Meybrun et quod vicarius qui pro tempore erit in dicta ecclesia omnia onera ordinaria et consueta scil[icet] sinodalia et archidiaconalia sustineat et quod in extraordinariis auxiliis Abbas et Conv[entus] de Whiteby pro sua portione Vicarius pro sua respondeat Ordinationem siquidem prescriptam ratam habere volumus et illibatam imperpetuum In cujus rei testimonium pres[enti] scripto sigillum nostrum fecimus apponi Actum apud Karleol[ensis] pridie kalendas Aprilis pontificatus nostri anno vicesimo primo