Charter Document - 01100367

A[nno] g[ratie] mill[esimo] ducentesimo septuagesimo ad Natale Domini ita convenit inter d[omi]num Robertum Abbatem et Conv[entum] de Whiteby ex una parte et d[omi]num Thomam de Chanci dominum de Scripenbek ex altera Videl[icet] quod cum Adam de Chanci de Scridenbek detulisset quoddam breve nove dissaisine super pred[ictum] Abbatem de communa pasture cujusdam culture jacentis inter fraxinum et villam de Ponte Belli per assensum et procurationem ipsius d[omi]ni Thome idem d[omi]nus Abbas et Conventus concesserunt quod cultura pred[icta] que dudum fuerat terra arabilis jaceat ad pasturam prout consueverat tempore aliorum Abbatum predecessorum suorum quamdiu culture et seliones libere tenentium vel aliorum de villa predicta prope jacentes jaceant ad pasturam Et si contingat quod predicti tenentes t[er]ras suas coadjacentes vertant in terram arabilem quod pred[icti] Abbas et Conv[entus] culturam pred[ictam] in terram arrabilem vertant sine alicujus contradictione vel impedimento salva eisdem Domino Roberto Abbati et Conventui vestura bladi crescentis in cultura predicta Et pro hac concessione predictus d[omi]nus Thomas de Chanci concessit et manu cepit quod salvabit vesturam illius culture anni presentis ad opus predictorum d[omi]ni Roberti Abbatis et Conventus absque detractione vel calumpnia vel aliqua diminutione et faciet retrahere illud breve nove dissaysine quod predictus Adam impetravit super pred[ictum] Abbatem In cujus rei test[imonium] huic scr[ipto] cirografato partes sigilla sua hinc inde apposuerunt Hiis testibus Domino R[adulpho] Rectore ecclesie de Scripenbek Magistro W[illelmo] de Potthow Willelmo de Lincolnia Ricardo de Butterwyk Rogero de Celario et aliis