Charter Document - 01100339

Acta in vigilia Apostolorum Symonis et Jude a[nno] d[omini] millesimo ducentesimo sexagesimo quarto in Ecclesia Cathedrali Karliolensi coram nobis m[agist]ro Roberto Rectore ecclesie de Dalston juris canonici Professore gerente vices d[omi]ni Prioris de Bredon judicis a Sede Apostolica delegati secundum formam constitutionis sibi facte in causa seu negotio revocationis temere attemptaturum et innovatorum in prejudicium Willelmi de Sevenake seu de Kent Clerici Rofensis dioeceseos in nostra presentia constituti personaliter comparentis Postquam idem Willelmus causa peregrinationis et pro quibusdam negotiis suis promovendis iter arripuit ad Sedem Apostolicam veniendi videl[icet] cum constaret nobis legitime predictum diem fuisse peremptorie prefixum ad revocandum precise si liqueret temere attemptata et innovata in causa quam predictus Willelmus habet super ecclesia de Crosseby Karliol[ensi] dioeceseos cum Abbate et Conv[entu] Mon[ach]ii de Whiteby o[rdinis] s[ancti] Benedicti Eboraci dioeceseos postquam idem Willelmus ad Sedem Apostolicam veniendi iter arripuit pred[ictus] Willelmus ex habundanti exhibuit in judicio coram nobis quasdam litteras patentes sigillo m[agist]ri Thome de Foveys Clerici in presentia nostra constituti vive vocis oraculo testimonium illis literis perhibentis procuratoris d[omi]ni Archidiaconi Karliol[ensi] prout de procuratorio constitit signatas in quibus inter alia continebatur tenor litterarum Domini Pape per pred[ictos] Religiosos ad Karliol[ensi] et East Ridinge Archidiaconos impetratorum de verbo ad verbum quibus litteris sigillum nostrum filo appendimus et cum constaret nobis legitime quod pred[ictis] Religiosi a Succentor et Magistro stolarum Karliol[ensi] quibus Archidiaconus Karliol[ensi] in dicta causa vices suas non in totum commiserat ad Sedem Apostolicam die Martis proximo post Translationem s[ancti] Thome Martiris a[nno] d[omini] millesimo CC sexagesimo tertio appellarunt quam appellationem dicti sub delegati admiserunt et quam pars appellata approbavit et quod dicti sub delegati eorum appellationi ob reverentiam Sedis Apostolice reverenter detulerunt partibus terminum prefigentes videl[icet] diem crastinum Apostolorum Symonis et Jude a[nno] d[omini] millesimo CC sexagesimo tertio ad procedendum in predicta causa in Curia Romana et quod die prefixo dictus Willelmus in Curia se personaliter presentavit memorata ad procedendum in ipsa causa et cum constaret nobis legitime predictos Religiosos diem sibi a judice prefixum malitiose prevenisse et litteras apostolicas ante terminum ad Karliol[i] et Eastridynge Archidiaconos temere in prejudicum pred[icto] Willelmo postquam idem ad Sedem Apostolicam veniendi iter arripuit Nos ab Astino de Thorneton Clerico procuratore dictorum Abbatis et Conv[entus] legitime constituto prout de procuratorio constitit pro eis coram nobis comparente diligenter inquisivimus et eum interpellavimus ut si quid proponere sciret et vellet seu posset per quod nos revocationem cassationem irritationem predicte littere temere impetrate et processuum habitorum au[c]toritate earundem retardare deberemus et cum nichil proponeret nos habito jurisperitorum consilio nobis assidentium invocato Spiritu Sancto partibus presentibus et non reclamantibus nec predicto procuratore provocante exigente justitia pred[ictas] litteras processus auctoritate earundem habitos revocavimus cassavimus et irritavimus in forma subscripta Cum per processum habitum coram discretis viris Succentor Karliol[ensi] et Magistro Stolarum ejusdem loci in causa que coram eis auctoritate Apostolica inter Abbatem et Conv[entum] de Whiteby o[rdinis] s[ancti] Benedicti Eboraci dioeceseos ex parte una et Willelmum de Sevenak seu de Kent Clericum Roffensis dioeceseos ex altera vertebatur ad Sedem Apostolicam certis de causis appellatum fuisse et appellationi predicte ob reverentiam Sedis Apostolice fuisse delatum terminumque peremptorie a dictis judicibus partibus fuisse prefixum comparendi in Curia Romana ad prosequendam appellationem predictam nobis constet evidenter ac per litteras apostolicas a pred[ictis] Abbate et Conv[entu] de Whiteby impetratas liqueat evidenter pred[ictos] Abbatem et Conv[entum] terminum peremptorie a pred[ictis] judicibus ad prosequendam appellationem et ad presentandos se in Curia Romana per quinque septimanas et amplius non sine magna malitia prevenisse ac in prejudicium dicti Willelmi de Kent dictas litteras apostolicas temere impetrasse postquam idem Willelmus ad Sedem Apostolicam veniendi iter arripuit et per processum habitum auctoritate litterarum predictarum temere impetratorum coram quibuscunque judicibus nobis constet contra pred[ictum] Willelmum postquam iter arripuit ad Sedem Apostolicam veniendi temere processum fuisse ad citationes commissiones condemnationem expensarum et excommunicationem ac per publicum instrumentum cui merito fides etiam adhibenda appareat pred[ictum] Willelmum de Kent die sibi prefixo a predictis Succentor Karliol[ensi] et Magistro Stolarum ejusdem loci ad prosequendam appellationem prenominatam in Curia Romana comparuisse Nos Magister Robertus Rector ecclesie de Dalston juris canonici Professor auctoritate d[omi]ni Pape et Filii et Spiritus Sancti pronuntiamus litteras a Sede Apostolica impetratas per pred[ictos] Abbatem et Conv[entum] de Whiteby contra dictum Willelmum de Kent postquam idem Willelmus ad Sedem Apostolicam iter arripuit veniendi irritas et inanes ac processum habitum auctoritate earundem revocamus cassamus et irritamus cassum et irritum denuntiamus et predictum Willelmum ab excommunicatione et condemnatione in expensis absolvimus et absolutum denuntiamus omnia etiam alia que sequatur sunt ex predictis litteris Apostolicis vel ob eas cassamus irritamus cassa et irata [de]nuntiamus Datum Karlioli a[nno] d[omini] millesimo CC sexagesimo iiii in vigilia Apostolorum Symonis et Jude d[omi]no Alexandro de Riading Canonico Ecclesie Karliol[ensi] Magistro stolarum ejusdem loci m[agist]ris Hugone perpetuo Vicario de Steywigges Thoma de Foveys Procuratore d[omi]ni Archidiaconi Karliol[ensi] Alano filio Yvonis de Karliolo partibus quos istud negotium contingit et multis aliis clericis et laicis presentibus