Charter Document - 01100333
| Charter Number: | 01100333 |
|---|---|
| Cartulary Title: | Cartularium abbathiae de Whiteby [Whitby] |
| Charter Language: | Latin |
| Charter Origin: | Religious |
| Charter Type(s): | Absolution |
| Date: | 1264 |
| Date type: | Internal, A.D., Feast |
| Resource Link(s): |
|
Charter:
In nomine Patris et Filii et Spiritus Sancti Amen Auditis et intellectis meritis causae appellationis quae vertitur inter d[omi]num Abbatem de Whiteby et ejusdem loci Conv[entum] ex parte una et Adam de Waythamsted Capellanum qui se opponebat eisdem asserens se jus habere in vicaria ecclesiae de Crosseby Ravenswarthe Karliol[ensis] dioceseos super augmentatione facta ejusdem vicariae de lana et agnis per officialem Domini Karliol[ensi] et Archidiaconum Karliol[ensis] quibus dominus r[obertus] nunc Karliol[ensis] Ep[iscop]us judex a Domino Papa delegatus commiserat super hoc vices suas Nos Magister Hospitalis Riponiae et Decanus Christianitatis loci ejusdem gerentes vices d[omi]ni Prioris de Kirkham et d[omi]ni Hugonis de Roderham judicum principalium a Sede Apostolica deputatorum domino Archidiacono Dunelm[] tertio eorum conjudice ad totam causam legitime excusato juris ordine in omnibus et per omnia observato cum constet nobis praelibatos Abbatem et Conv[entum] appellationem et ejus causam legitime probavissescil[icet] se ad Sedem Apostolicam legitime appellasse ab Officiali et Archidiacono Commissariis Episcopi praelibati eo quod vicariam praedictam prius sufficienter per bonae memoriae Walterum quondam Karleol[ensis] Ep[iscop]um taxatam in lana et agnis indebite augmentaverunt in non modicum dictorum Abbatis et Conv[entus] praejudicium et gravamen Deum habentes pro oculis jurisperitorum communicato consilio pro praedictis appellatione et ejus causa pronuntiamus ipsorum Officialis et Archidiaconi augmentationem seu sententiam diffinitive revocamus cassamus et irritamus revocando in irritum et inane quicquid ex ea secutum est vel oo eam lanam et agnos ad dictam ecclesiam nomine decimae pertinentes portioni dictorum Abbatis et Conv[entus] ipsius ecclesiae hoc est rectoriae adjudicantes et perpetuo nexu sicut semper prius fuerunt unientes omnes contradictores et rebelles ex nunc in scriptis excommunicando Actum in praebendali Ecclesia Riponiae die Veneris proximo post f[estum] s[ancti] Johannis Beverlaci a[nno] d[omini] millesimo ducentesimo sexagesimo quarto
Source (click image below to view full size)
