Charter Document - 01100320

Sciant omnes pr[esens] et fut[urus] quod contraversie que mote fuerunt de omnibus placitis et querelis ab origine mundi usque ad Assumptionem b[eate] Marie a[nno] d[omini] millesimo CC sexagesimo octavo inter d[omi]num Nicholaum filium Thome de Hastyngs petentem et d[omi]num Robertum Abbatem de Whiteby et ejusdem loci Conv[entum] tenentes pace amicabili in hunc modum sopite sunt scil[icet] quod pred[ictus] d[omi]nus Nicholaus concessit remisit et hac pr[esenti] c[arta] pro se et her[edibus] suis inperpetuum quietum clamavit totum jus et clamium quod habuit vel habere potuit in donatione advocatione et in presentatione ecclesie de Crosseby Ravenswarthe in Westmorlanda et in dote ejusdem ecclesie cum pertinentiis suis [sine] aliquo retine mento et totum jus et clamium quod habuit vel habere potuit in terris arabilibus boscis moris et pasturis cum pertinentiis que continentur infra divisas subscriptas scil[icet] sicut le Rygge extendit ad occidentalem partem de Botekeld desursum Bellaclyf et inde usque ad Helrekeld et inde usque in Derwent et sic per ascensum de Derwent usque ad ipsam sursam de Derwent et inde versus orientem usque ad Bludebec et sic inde sicut Munkesty transversat Bludebec et ascendit Gateleclyff et vadit usque ad Bradelay et inde descendit per semitam de Langdale et totum Rulethwate usque ad Kaldkeld et de Kaldkeld usque ad fontem de Holigate et totum Haywaclyff sicut se extendit contra predictum Rygge tenendum et hab[endum] predictis Abbati et Conv[entui] et eorum success[oribus] inperpetuum salva tamen eidem Nicholao et her[edibus] vel assignatis suis exceptis aliis viris Religiosis et Judeis villa de Brokesay cum omnibus hominibus suis et cum omn[ibus] pert[inentibus] estoveriis et com[m]unis in boscis moris et pasturis infra pred[ictas] divisas et alibi ubi ipse et antecessores sui et homines eorum communicare solebant ita scil[icet] quod ipse et her[edes] sui vel sui assignati et homines sui in eadem villa manentes capiant estoveria sua de viridi bosco et sicco stante per liberationem forestariorum d[omi]ni Abbatis sine contradictione ipsorum seu aliorum ministrorum dicti Abbatis quotienscunque opus fuerit sine dilatione vel impedimento De lignis autem siccis ad terram prostratis et de turbario [et] bruario capiant estoveria sua sine liberatione et visu absque impedimento alicujus sine venditione donatione vastu vel exilio quotienscunque necesse fuerit ei vel her[edibus] vel assignatis suis seu hominibus suis de Broksay salvo etiam ei et her[edibus] suis vel assignatis pannagio de propriis porcis et de porcis hominum suorum de Broksay faciendo inde servitia dicto d[omi]no Abbati et Conv[entui] et eorum successoribus ut in firmis servitiis et operibus sicuti ipse et antecessoribus sui huc usque facere consueverunt inperpetuum scil[icet] decem solidos per annum ad Pent[ecosten] quinque sol[idos] et ad f[estum] s[ancti] Martini in yeme quinque solidos et omnes carucatas dicte ville de Broksay semel in anno per unam dictam ad arandum t[er]ram pred[icti] Abbatis et de qualibet domo unum hominem per unam dictam ad metendas segetes dicti Abbatis ad citationem ministri Abbatis predicti et sectam Curie dicti Abbatis sicuti ipse et antecessores sui facere consueverunt pro omn[ibus] servitiis Pro hac autem concessione remissione et quieta clamatione predicti Abbas et Conventus pro se et succ[essoribus] suis concesserunt remiserunt et inperpetuum quietum clamaverunt totum jus et clamium quod habuerunt vel habere potuerunt in dimidia carucata t[er]re vel in aliqua alia t[er]ra in villa et in territorio de Alverstane de dono Torphini habend[um] et tenend[um] dicto d[omi]no Nicholao et her[edibus] suis vel assignatis inperpetuum Si vero pred[ictus] Nicholaus vel heredes sui aliquid scriptum sigillo Capituli de Whiteby signatum de cetero invenerint quod huic compositioni fuerit contrarium omnino quantum ad hoc viribus carebit et pro nichilo habeatur Et ut hec concordia perpetua sit et stabilitatem habeat eternalem pred[ictus] Nicholaus pro se et her[edibus] suis parti penes dictum Nicholaum remanenti sig[illi] Capituli sui apposuerunt Hiis testibus d[omi]nis Willelmo de Latamere Thoma de Hesillertona Nicholao Denyas militibus d[omi]no Willelmo de Percy Canonico Ebor[aci] m[agist]ro Rogero de Hesillertona Willelmo de Everley de Uglardby Alano fratre ejus Thoma de Ebberstona Willelmo de Morpathe Roberto Buscel Roberto de Rostona Rogero Haldan Petro de la Gayole Radulpho de Midilsburghe Ricardo de Butterwyk et aliis