Charter Document - 01100314

Per pr[esentem] scriptum pateat universis quod cum inter Religiosos viros Abbatem et Conv[entum] Mon[ach]ii de Whiteby Ordinis s[ancti] Benedicti Eborac[] dioeceseos ecclesiam parochialem de Crosseby Ravenswarth Karleol[] dioeceseos in proprios usus optinentes et pretendentes villas de Overton alias Overyge Gogesfeld Keldelith Sunnebyggyn[g] Reysebek Langdale Tybba Ronnestwate Scalesparke Ellergylle et Gagesgylle ac terras campos possessiones culturas res animalia et personas earundem villarum infra parochiam predicte ecclesie de Crosseby limites et loca decimationis ejusdem extitisse et existere et ad eos et proprietatem predicte ecclesie sue de Crosseby de jure pertinere ac eos fuisse in possessione et quasi juris percipiendi omnes et singulas decimas qualitercunque provenientes de quibuscunque t[er]ris campis possessionibus culturis rebus animalibus et personis villarum predictarum de parte una et nos Priorem et Conv[entum] de Conyngeshed Ordinis s[ancti] Augustini prefate Eboracensis dioeceseos asserentes ecclesiam de Overton alias Overyge parochialem fuisse et esse limitesque proprios et distinctos habuisse et habere nosque eam in proprios usus ut ecclesiam parochialem optinuisse et optinere ac omnes decimas tam majores quam minores qualitercunque provenientes de omnibus villis predictis videl[icet] de Overton alias Overyge Bogesfelle Keldelithe Sunnebyggynge Reysebek Langdale Tybbay Ronnestwate Scalesparke Ellergille et Gagesgille existentibus infra limites predicte ecclesie de Overton alias Overyge et loca decimationis ejusdem necnon de personis rebus et animalibus universis dictarum villarum ad jus et proprietatem memorate ecclesie nostre de Overton alias Overyge et nos Priorem et Conv[entum] predictos nomine ejusdem ecclesie de jure pertinuisse et pertinere debere nosque fuisse a tempore cujus principii memoria non existit in plena et pacifica possessione et quasi juris percipiendi decimas omnes et singulas supradictas ex altera suborta fuisset materia questionis Nos Prior et Conv[entus] de Conyngesheved prenotati statum nostrum religiosum perinterne considerantes et delectabile bonum pacis et quietis potius quam litigiosos amfractus affectantes ac divinis ut tenemur officiis insistere cupientes de concilio amicorum nostrorum ordinationi laudo dicto arbitrio arbitratum pronuntiationi et decreto venerabilium virorum Magistrorum Willelmi de Pikerynge et Roberti de Pykerynge germani sui Canonicorum Eboracensium ac Johannis Prioris de Bolton in Craven super premissis contentionibus omnibus et singulis easdem contentiones ratione personarum et rerum quarumcunque contingentibus ex certa scientia totaliter specialiter et expresse concorditer et bona fide et sine aliquo scrupulo alte basse pure simpliciter et absolute submittimus et sub[j]icimus in omnibus et singulis supradictis Ita quod liceat predictis venerabilibus viris estimantibus jura nostra et scrutantibus vota nostra in premissis et circa ea de plano alto et basse ordinare laudare dicere arbitrium pronuntiare et discernere prout eis melius videbitur expedire Quorum ordinationem laudum dictum arbitrium arbitratum pronuntiationem et decretum in omnibus et singulis predictis et circa ea tam contra nos et successores nostros et Mon[ach]ium nostrum quam pro nobis et success[oribus] nostris et Mon[ach]io nostro et personis quibuscunque nobis adherentibus Nos Prior et Conv[entus] de Conyngesheved predicti per juramenta a nobis Priore videl[icet] personaliter et a nobis Conv[entu] per Johannem de Schirburn Clericum procuratorem nostrum mandatum ad hoc habentem speciale in animas nostras inspectis et tactis sacrosanctis Evangeliis prestita promittimus pro nobis et successoribus nostris universis fideliter observare et in omnibus adimplere In cujus rei test[imonium] sig[num] nostrum commune est presentibus appensum Datum in Capitulo nostro apud Conyngesheved die Jovis proximo post f[estum] Translationis s[ancti] Thome Martiris videl[icet] decimo die mensis Julii a[nno] g[ratie] millesimo ccc decimo