Charter Document - 01100242
| Charter Number: | 01100242 |
|---|---|
| Cartulary Title: | Cartularium abbathiae de Whiteby [Whitby] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1135 - 1155 |
| Date type: | Assigned |
| Resource Link(s): |
|
Charter:
Omnibus fidelibus Dei tam futuris quam presentibus Alanus filius Reginaldi Buscel salutem Sciatis quod ego Alanus filius Reginaldi Buscel dedi Deo et ecclesie Sancti Petri et Sancte Hylde de Wytebi et monachis ibidem Deo servientibus in elemosinam perpetuam pro animabus patris mei Reginaldi Buscel et matris mee Alicie de Perci et pro animabus omnium parentum meorum pro memetipso et pro heredibus meis ecclesiam de Hotun cum omnibus pertinentiis suis cum una carucata terre in eadem villa que eidem ecclesie adjacet liberam et quietam ab omni servitio et exactione et consuetudine seculari preter tantum decem solidos quos dabunt annuatim abbas et monachi de Wytebi ad sochagium regis de predicta carucata terre Hanc vero donationem scilicet ecclesiam de Hotuna in Pikiringelit cum predicta carucata terre optuli super altare Sancti Petri et Sancte Hylde de Wytebi et hac mea carta confirmavi coram hiis testibus Radulfo de Everlai Astino de Houkesgard Ricardo filio Nigelli Normanno famulo regis et aliis