Charter Document - 01100075
| Charter Number: | 01100075 |
|---|---|
| Cartulary Title: | Cartularium abbathiae de Whiteby [Whitby] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1130 - 1138 |
| Date type: | Assigned |
| Resource Link(s): |
|
Charter:
Notum sit omnibus videntibus vel audientibus has litteras quod ego Alanus Buscel dedi et concessi ecclesie Sancti Petri et Sancte Hylde de Wyteby illam dimidiam carucatam terre in Hotona quam Asza filius Wymundi de me tenuit libere et quiete ab omni servitio quod ad me pertinet ita etiam quod ego et heredes mei eam acquietabimus de comitatu de wapentachan et de hundrez cum communi pastura in bosco et plano et mora per medium et per totum excepto alio servitio regis ad illam terram pertinente quod mihi reddetur necnon et de nemore illis concedo ad edificia sua et ad cetera totius usus sui necessaria sine venditione aliis excepta claustura cujusdam stagni que in illa terra firmabatur quam mihi retineo cujus tamen stagni fractione si terra predicta illi affinis deterioretur ego Alanus et heredes mei illud damnum ecclesie predicte restaurabimus Hanc itaque terram supradictis prelocutionibus determinatam liberam et quietam de me et de omnibus heredibus meis ecclesie de Wyteby dedi et concessi ut supradictum est et cum prenominato Asza super ejusdem ecclesie altare in perpetuum optuli Et si forte evenerit quod aliquis supradictam terram calumpnia verrit unde eam ego vel heredes mei pro me defendere non poterimus predicte ecclesie excambium illius alio loco reddemus Testibus Roberto presbitero Willelmo presbitero Alano de Perci Gaufrido de Ca[m]peus Daniel de Hirtuna Willelmo de Houkesgar[d] et aliis