Charter Document - 01099366
| Charter Number: | 01099366 |
|---|---|
| Cartulary Title: | Cartularium Abbathiae de Rievalle [Rievaulx] |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1239 |
| Date type: | Internal, Calendar, Papal |
| Resource Link(s): |
Reference Document for this Embedded Document |
Charter:
Gregorius Episcopus servus servorum Dei Venerabili fratri Episcopo et dilectis filiis Decano et Sub decano Lincolniensis [] Dilectus filius G[alfridus] Decanus Eboracensis sua nobis petitione monstravit quod cum olim inter quondam R[ogerum] Decanum Eboracensis predecessorem suum ex parte una et Abbatem et Conventum Rievallis Cisterciensis Ordinis Eboracensis Dioeceseos ex altera super quibusdam decimis et rebus aliis ad Decanatum spectantibus exorta fuit materia questionis tandem dictus predecessor compositionem quandam super eisdem decimis minus provide cum Abbate et Conventu predicto in enormem ipsius Decanatus iniit lesionem que postmodum per venerabilem fratrem nostrum Archidiaconum et Capitulum Ebor extitit minus licite confirmata Quare idem Decanus nobis humiliter supplicavit ut super hoc indemnitati sue congruum remedium apponere curaremus Quia vero nobis non constat de premissis discretioni vestre per Apostolica scripta mandamus quatinus partibus convocatis audiatis causam et appellatione remota fine canonico terminetis facientes quod decreveritis per censuram ecclesiasticam firmiter observari Quod si non omnes hiis exequendis potueritis interesse tu frater Episcope cum eorum altero ea nihilominus exequaris Valete Datum Laterani v Kalendas Junii Pontificatus nostri Anno xii
Source (click image below to view full size)
