Charter Document - 01099145
| Charter Number: | 01099145 |
|---|---|
| Cartulary Title: | Cartularium Abbathiae de Rievalle [Rievaulx] |
| Charter Language: | Latin |
| Charter Origin: | Religious |
| Charter Type(s): | Settlement |
| Date: | 1196 - 1214 |
| Date type: | Assigned |
| Resource Link(s): |
|
Charter:
Omnibus [] S[imon] decanus H[amo] thesaurarius et A[dam] archidiaconus Eboracensis salutem Noverit [] causam que vertebatur inter Alexandrum clericum ex una parte et abbatem et monachos Rievallis ex alia parte super decimis bladi illius terre in Bothelton que jacet inter Depedale et grangiam de Rievalle nobis a domino papa delegatam ita amicabili compositione fuisse sopitam scilicet quod idem abbas et monachi dabunt Ade clerico tota vita sua nomine earundem decimarum pro bono pacis tres solidos annuatim solvendos in festo sancti Martini apud capellam de Bothelton Hanc etiam compositionem fideliter tenendam coram nobis promiserunt abbas et monachi in verbo veritatis et Alexander clericus in fidei religione et nos eam auctoritate qua in eadem causa fungebamur sigillis nostris confirmavimus