Charter Document - 01095092

Johanna que fuit uxor Gilberti Haunsard petit versus Johannem de Lythegrenes et Aliciam uxorem ejus tertiam partem manerii de Magna Wyrkeshale et versus Abbatem de Ryvalle tertiam partem piscaria in ripa de Teyse usque ad filum aque a stagno molendini per duas leucas ascendendo et duas leucas descendendo in eadem villa et versus Johannem filium Gilberti Haunsard tertiam partem trium carucatarum terre viginti acrarum prati et quadraginta solidatorum redditus [] in Horneby et Thorprawe et versus Gilbertum filium Gilberti Haunsard tertiam partem viginti bovatarum terre unius molendini et triginta solidatorum redditus [] in Horneby et versus Thomam de Claris Vallibus tertiam partem sex solidatorum et octo denariorum redditus [] in Landemothe et versus Rogerum de Moubray tertiam partem decem marcatarum redditus [] in Thirsk ut dotem [] Et Abbas et omnes alii preter predictum Johannem de Lythegreynes et Aliciam uxorem ejus veniunt Et Abbas de tenementis versus eum petitis dicit quod ipsa non debet inde dotem habere dicit enim quod predictus Gilbertus quondam vir ipsius Johanne diu antequam desponsavit predictam Johannam feoffavit quondam Abbatem de Ryvalle predecessorem istius Abbatis de predictis tenementis [] ita quod idem Gilbertus die quo ipsam desponsavit nec unquam postea fuit in seisina de predicta piscaria ut de feodo ita quod ipsam dotare potuit et de hoc ponit se super patriam Et Johanna similiter Ideo fiat inde jurata Postea predicta Johanna habet licentiam recedendi de brevi suo ad instantiam Guychardi de Charron [] Et Johannes filius Gilberti et Gilbertus filius Gilberti per custodem suum nichil scivit dicere quare predicta Johanna de tenementis versus eos petitis habere non debeat [] Ideo consideratum est quod predicta Johanna recuperet inde dotem suam [] et Johannes et Gilbertus in mi[sericordi]a pardonatur quia infra etatem [] Et Thomas de Claris Vallibus de tertia parte redditus versus eum petita dicit quod ipsa non tenet predictum redditum nec tenuit die quo istud breve fuit impetratum scil[icet] vicesimo octavo die Octobris Anno Regis nunc vicesimo primo Et de hoc ponit se super patriam Et Johanna dicit quod predictus Thomas tenuit de predicto Gilberto quondam viro suo unum molendinum aquaticum per predictum servitium [] et quod idem Gilbertus die quo ipsam desponsavit et post fuit in seisina de predicto redditu pro predicto molendino per manus ejusdem Thome et quod molendinum idem Thomas tunc tenuit et adhuc tenet [] Et de hoc ponit se super patriam Et Thomas dicit quod predicto die brevis impetrati non tenuit predictum redditum nec predictum molendinum [] Et de hoc ponit se super patriam Et ideo fiat inde jurata [] Et Rogerus de Moubray de tertia parte versus eum petita per licentiam reddit inde dotem suam Ideo habeat inde seisinam suam [] Quoad Johannem de Lythegreynes et Aliciam uxorem suam habet diem a die s[ancti] Hillarii in quindecim dies per preceptum Domini Regis