Charter Document - 01095090

Willelmus Prior de Kyrcham Frater Johannes de Elveleye [] et Hugo filius Michaelis del Munt attachiati fuerunt ad respondendum Abbati de Ryvalle de placito quare cum idem Abbas homines suos cum carris ad boscum suum de Bildesdale ad carriandum meremium et buscam ad grangiam ipsius Abbatis in Byldesdale nuper misisset ac iidem homines eosdem carros de iisdem meremio et busca carcassent et eos ad grangiam predictam duxisse voluissent prefati Prior et alii in ipsos homines infra terram ipsius Abbatis apud Huehyrst in Byldesdale vi et armis insultum fecerunt et boves et carros predictos carcatos ceperunt et eos usque manerium predicti Prioris in Byldesdale duxerunt et per decem septimanas ibidem detinuerunt et cum bobus illis terram ipsius Prioris excoli fecerunt et alia enormia ei intulerunt ad dampnum ipsius Abbatis viginti librarum et contra pacem [] et unde predictus Abbas per at[t]ornatum suum queritur cum idem Abbas homines [] suos cum carris ad predictum boscum suum ad cariandum inde meremium et buscam ad predictam grangiam ipsius Abbatis de Byldesdale die Martis proximum post festum s[ancti] Hyllarii Anno Domino Regis nunc septimo misisset et iidem homines ejusdem Abbatis duos carros ejusdem de meremio et busco eodem die carcassent et eos ad grangiam predictam duxisse voluissent prefati Prior et alii in ipsos homines infra terram ipsius Abbatis apud Huehyrst in Byldesdale vi et armis scil[icet] gladiis arcubus et sagittis insultum fecerunt et boves et carros predictos carcatos ceperunt et eos usque ad manerium predicti Prioris in Byldesdale duxerunt et per decem septimanas ibidem detinuerunt et cum bobus illis terram ipsius Prioris excoli fecerunt unde predicti boves deteri[o]rati fuerunt et prefatos homines ipsius Abbatis verberaverunt et wlnaverunt contra pacem [] unde dicit quod deterioratus est et dampnum habet ad valenciam viginti librarum Et inde producit sectam [] Et predicti Prior et omnes alii per at[t]ornatos suos veniunt et defendunt vim et injuriam quando [] Et predicti frater Johannes de Alveley Willelmus Aykesheved Rogerus ad Pontem Simon Stot Simon filius Alicie Walterus At ye bek Nicholaus le Cuper et Willelmus Blake de Bradefelde bene defendunt quod ipsi nunquam dictis die et anno hominibus ipsius Abbatis apud Huehyrst insultum fecerunt nec boves nec carros predictos carcatos ceperunt nec eos usque ad manerium predicti Prioris in Byldesdale duxerunt nec per decem septimanas ibidem detinuerunt nec cum bobus illis terram ipsius Prioris excoli fecerunt nec aliquam transgressionem fecerunt sicut eis [] ponit Ponunt se super patriam Et Abbas similiter [] Ideo fiat inde jurata Jurati dicunt super sacramentum suum quod predicti Frater Johannes de Alveleye Willelmus Aykesheved Rogerus ad Pontem Simon Stot Simon filius Alicie Walterus At ye bek et Nicholaus le Cuper et Willelmus Blayke de Bradefelde nullam transgressionem fecerunt predicto Abbati Ideo consideratum est quod predicti Frater Johannes et alii inde sine die Et predictus Abbas nichil capit per juratam istam set sit in mi[sericordi]a pro falso clamio Et predicti Prior et alii per at[t]ornatos suos dicunt quod ipsi in predicto bosco qui est boscus ipsius Prioris prostrav[erant] arbores ad faciendum inde meremium ad opus ipsius Prioris et dicunt quod predictus Abbas misit homines suos [cum] carris ad predictum boscum noctanter et iidem homines ipsius Abbatis carcaverunt eosdem carros cum meremio [ipsius] Prioris et ipsum meremium abduxerunt cum predictis carris usque Huehyrst qui quidem locus est in feodo [] [ipsius] Prioris Et ipsi dicunt quod recenter sequebantur homines ipsius Abbatis et ipsos ar[r]estarunt in eodem loco de Huehyrst Et dicunt quod homines ipsius Abbatis reliquerunt predictos carros Et dicunt quod ipsi predictos carros cum mairemio ipsius Prioris eo quod nulli homines ipsius Abbatis eosdem carros replegiare voluerunt ad manerium ipsius Prioris in Byldesdale duxerunt Et quoad hoc quod predictus Abbas queritur quod predictus Prior et alii detinuerunt predictos boves ipsius Abbatis per decem septimanas dicunt quod hoc fuit in defectu ipsius Abbatis eo quod noluit [predictos] boves exigere per vadium et plegium nec securitatem invenire ad transgressionem predictam emendandum Et quoad hoc quod predictus Abbas queritur quod predictus Prior et alii excoli fecerunt terram ipsius Prioris cum bobus predictis bene defendunt quod nunquam excoli fecerunt predictam terram et de hoc ponunt se super patriam [] Et Abbas dicit quod predictus boscum est boscum suus in quo predictus Prior nichil habet tantummodo communam pasture in eodem Et dicit quia predicti Prior et alii succiderunt arbores ipsius Abbatis in eodem bosco misit carros suos ad cariandum predictum boscum ad grangiam suam predictam sicut ei bene licuit et dicit quod cum homines sui duxerunt predictos carros versus grangiam suam predictam predicti Prior et alii predicto loco de Huehyrst qui est dominicum solium ipsius Abbatis hominibus ipsius Abbatis insultum fecerunt et predictos carros ceperunt et abduxerunt ad manerium predicti Prioris in Byldesdale ut predictum est petit quod inquiratur per patriam et Prior similiter [ideo] fiat inde jurata [] Juratores dicunt super sacramentum suum quod quia predictus Abbas misit homines suos ad boscum ipsius Prioris de Byldesdale et arbores ipsius Prioris in eodem succiderunt et meremium ejusdem bosci cum carris et carettis ab eodem loco usque ad Huehyrst cariaverunt qui quidem locus est de feodo ipsius Prioris idem Prior retro misit homines suos [ad] sequendum predictas carettas cum meremio honoratas usque predictum locum de Hueghirst [caret]tas illas et carros ar[r]estarunt et illas cum meremio ad manerium ipsius Prioris in Byldesdale duxerunt Quesiti si predicti Prior et alii retinuerunt predictos boves et terram suam cum ipsis excoli fecerunt dicunt quod sic Ideo consideratum est quod predictus Abbas pro transgressione predicta in mi[sericordi]a et predicti Prior et alii in mi[sericordi]a eo quod excoli fecerunt predictam terram cum bobus predictis []