Charter Document - 01095079

Willelmus de Wyvylle petit versus Abbatem de Ryvalle duo mesuagia et quadraginta bovatas terrae [] in Thornton [in] Pykeringlithe ut jus suum per breve de recto patens [] Et unde dicit quod quidam Willelmus antecessor suus tempore pacis tempore Henrici secundi proavi Domini Regis nunc fecit seysinam de praedictis tenementis ut de feodo et jure capiendo inde explecias ad valenciam [] Et de ipso Willelmo descendit jus cuidam Ricardo ut filio et haeredi et de ipso Ricardo descendit jus quibusdam Amfelisiae et Eustachiae ut filiabus et haeredibus et de ipsa Amfelisia quia obiit sine haerede de se descendit jus purpartis suae praedictae Eustachiae ut sorori et haeredi et de ipsa Eustachia descendit jus cuidam Nicholao ut filio et haeredi et de ipso Nicholao quia obiit sine haerede de se descendit jus [] cuidam Ricardo ut fratri et haeredi et de ipso Ricardo quia obiit sine haerede de se descendit jus [] cuidam Thomae ut fratri et haeredi et de ipso Thoma quia obiit sine haerede de se descendit jus cuidam Willelmo qui nunc petit ut fratri et haeredi et quod tale sit jus suum offert [] Et Abbas venit et defendit jus suum quando [] et dicit quod non potest inde sine Domino Rege respondere Dicit enim quod Dominus Rex Henricus proavus Domini Regis nunc dedit et carta sua confirmavit Deo et s[anctae] Mariae et Ecclesiae de Ryvalle [] totum vastum suum et totam pasturam suam subtus Pykeringelithe cum omnibus suis pertinenciis de quibus vasto et pastura praedicta tenementa sunt quae praedictus Willelmus petit versus eum et profert cartam Henrici Regis quae hoc idem testatur et quae specificat quae tenementa idem Henricus Rex per certas metas et divisas subscriptas dedit [] praedictis Monachis [] scil[icet] quicquid est inter Alvestanbek et Thacrivelinge in longitudine praeter pratum de Edmermerche per has scil[icet] divisas a loco ubi Alvesteynbek cadit in Derwentam [] et inde sicut Alvestanybek descendit in Derwentam Unde dicit quod non potest inde sine Domino Rege respondere [] Et Willelmus dicit quod praedictus Abbas auxilium Domini Regis non debet habere quia dicit quod praedictus Willelmus antecessor suus de cujus seysina ipse placitavit praedicta tenementa fuit deseysitus post confectionem praedictae cartae et hoc paratus verificare prout Curia Domini Regis consideraverit bene petit judicium si praedictus Abbas auxilium a Domino Rege habere debeat cum ipse sit paratus verificare seysinam praedicti Willelmi antecessoris sui de praedictis tenementis ut de feodo et jure post confectionem praedictae cartae [] Dicit etiam aliis rationibus quod praedictus Abbas auxilium de Domino Rege habere non debet per praedictam cartam cum ipse sic paratus sit verificare [] quod tempore confectionis ejusdem cartae et semper postea praedicta terra quam ipse nunc petit fuit arabilis et in eadem carta continetur quod Dominus Henricus Rex dedit Ecclesiae de Ryvalle et praedictis monachis totum vastum suum et totam pasturam suam subtus Pykeringe et sic in illa carta nulla terra arrabilis continetur Unde petit judicium [] Postea mandavit Dominus Rex quod Recordum et loquelae istius et processus sibi mi[t]teretur per breve suum in haec verba [] Dies datus est eis a die s[ancti] Michaelis in unum mensem hic Et interim loquendum cum Rege []