Charter Document - 01090317

Universis Cristi fidelibus ad quos presens scriptum pervenerit Ricardus D[ei] G[ratia] Dunelm Episcopus Domini Regis Cancellarius salutem in domino Noverit universitas vestra nos hac carta nostra confirmasse Abbati Rievallis et monachis ibidem deo servientibus Crossebiam in Alvertonesira cum pertinenciis in qua sunt tres carucate terre et totam Cotonam in qua sunt alie tres carucate terre et quatuor acras et unam perticatam terre arabilis in Thornton cum omnibus cum omnibus pertinentiis et libertatibus que pertinent ad predictas terras de Crosseby et de Cottona in pratis et pascuis aquis mariscis molendinis viis et semitis cum toftis et croftis et cum omnibus aliis rebus per rectas divisas per quas bone memorie Hugo Episcopus predecessor noster eas in presentia sua per sacramentum legalium hominum fecit deambulare sicut in carta sua continetur excepto dominico prato de Crosseby quod in manu nostra retinemus Ipsis vero monachis concessimus pratum quod ad rusticos ejusdem ville pertinebat Hec omnia concessimus eis Reddendo inde nobis et successoribus nostris novem marcas per annum ad terminos in Alvertonsira constitutos salvo jure ecclesiarum de Leka et de Alverton Si autem aliquis aliquando adversus ecclesiam Rievallensem super predictas terras calumpniam moverit nos et successores nostri pro eo stabimus contra omnes homines defendendo tanquam pro dominico nostro Volumus itaque ut predicti monachi teneant hec omnia cum omnibus predictis divisis et pertinentiis et libertatibus suis libere quiete et honorifice et integre in perpetuum Abbas autem et Conventus ejusdem Ecclesie speciali familiaritate nos in patrem et specialem et advocationem recipiunt ut et in vita et in morte pro nobis sicut pro abbate suo sint apud Deum devoti in omnibus que ad salutem nostram pertinent nos quoque vice eadem ipsos in filios speciales suscipimus ut in omnibus necessitatibus atque negotiis suis ad nos veniant sicut ad patrem et ad eum qui ipsos et Domum ipsorum et omnia que ad ipsos pertinent sub manu protectionis nostre manu tenenda et defendenda suscipimus Ut autem hec in posterum perpetuam optineant firmitatem huic scripto sigillum nostrum apposuimus T[estibus] Domino Waltero Ebor Archiepiscopo Anglie Primate H Abbate de novo Monasterio Roberto de Ros Willelmo et Roberto filiis ejus S Dunelm et Alano Northumb Archidiaconis Magistro Thoma de Lichefeld Willelmo de Thorneton Magistro Alexandro Nolan Philippo de S Helena Willelmo de Roing et aliis Datum per manum nostram apud Houeden prima die Junii A[nno] Pontificatus nostri primo