Charter Document - 01090246

In nomine Sancte et Individue Trinitatis Patris et Filii et Spiritus Sancti Confirmatio societatis et pacis inter Domos ad Cistercensium Capitulum pertinentes et eas que pertinent ad Ordinem vel ad Capitulum de Semplingham Igitur ad custodiam pacis et caritatis communi assensu utriusque Capituli constitutum et confirmatum est ut nullus Cisterciensium canonicum vel novicium sive conversum de Ordine de Semplingham nullus de illo Ordine monachum novicium vel conversum de Cisterciensium Ordine nisi ex pari consensu recipiat Nullus ex utroque Capitulo grangiam deinceps edificet vel bercariam infra duas leugas ad mensuram Anglie a grangia vel bercaria alterius Ordinis excepto quod si in villa aliqua infra has metas data fuerit sine aliquo pretio vel servitio cujus erat terra usque ad unum aratrum licebit suscipere et per aliquem secularem excolere ita ut nullus fratrum ibi habitet nec grangia ibi fiat Animalia aliquis secularis ipse qui terram tenuerit ibi pascere poterit secundum legitimam estimationem terre ipsius ad arbitrium legitimorum hominum vel Abbatum per quos querele si que emerserint terminabuntur In quo verbo Fratrum de Semplingaham melior est conditio quia Cisterciensibus taliter aliquid tenere non licet Quia vero Capitulum Cistercii remotum est et statutum est ut a Capitulo ipso tres constituuntur Abbates qui plenam auctoritate Ordinis habeant potestatem cum fratribus de Semplingham tribus qui sanioris erunt consilii terminandi querelas si que emerserint inter eos nec licebit cuivis eorum ad aliam audientiam causam deferre donec persone ad hec designate convenerint semel et iterum et de controversia terminanda vel compositione vel judicio laboraverint Ecclesias infra terminos suscipere non prohibebuntur fratres de Semplingham sine grangia vel bercaria domos tamen ad mansionem clericorum et grangiam ad decimas vel messem de terra Ecclesie reponendam et animalia eidem terre congrua infra villam habere licebit Nec grangiarum constructio prohibita est ubi aqua grandis interjacet circa fines illos nec vado nec ponte transmeabilis Ubicunque Ecclesia una usuarium tenet vel pasture prati vel nemoris sive in perpetuum sive ad tempus altera Ecclesia nec per se nec per aliquem personam aliquid ibi deinceps sibi acquiret nec eos qui tenent dum tenuerint dolo aliquo vel aperta oppressione gravabit Similiter de terris quas ad firmam temporalem tenent dum eas tenent nullo modo ab aliis exinde gravabuntur nec interim quoquo modo illi sibi eas acquirere conabuntur Servientes mercenarios Domus unius Ordinis Domus alterius Ordinis donec tempus suum expleverint non attrahet sibi neque recipiet Si quis fratrum hoc presumpserit in suo Capitulo regularem recipiat disciplinam et ad Capitulum alterius Ecclesia mittatur ibi quoque similem penam subiturus Mercenarius autem sic receptus nullo modo retineatur Si pueri a parentibus redditi a fratribus de Semplingham fuerint educati vel aliqui forsitan similiter a Cisterciensibus cum ad oluerint sine eorum assensu recipere eos aliis penitus non licebit Dum aliqua Ecclesia vel mercatores ejus aliquid sive mobile sive immobile mercari ceperint donec destiterint pars alia sese exinde non intromittet Tunc autem non imputabitur teneri ipsa mercatio cum sine termino aliquo vel induciis a venditore discessissent Singulis annis semel plenarium officium et generalem commemorationem defunctorum suorum cum parentibus et familiaribus pro se invicem facient et in omnibus orationibus et beneficiis tam vivi quam mortui utriusque Ordinis communiter recipientur Hec autem omnia ut firma deinceps et inconvulsa permaneant Ego Gaufridus Clarevallensis Abbas et universorum Abbatum Anglie de Ordine nostro Conventus Ego quoque Gillebertus Sacerdos et Magister de Semplingham et Generalis fratrum et sororum nostrorum Conventus in annuo capitulo collatus caritatis cyrographum formamus et sigillis nostris pariter consignamus Signum Gaufridi Clarevallis Abbatis Sigillum Ailredi de Rievalle Signum Ricardi de Fontanis Signum Walteri de Kirkesteda Signum Philippi de Signum Laurentio Signum Radulfi de Parco Signum Acii de Biham Signum Gilleberti Magistri Signum Torphini Prioris de Semplingham Signum Alani de Insula Signum Adam Lincolie Signum Ricardi de Lindeleia Signum Thome de Ormesbi Signum Hugonis de Syxla Signum Radulfi de Waltona Signum Roberti de Maltona Actum apud Kirkestedam et apud Semplingham A[nno] MCLXIIII