Charter Document - 01090188
| Charter Number: | 01090188 |
|---|---|
| Cartulary Title: | Cartularium Abbathiae de Rievalle [Rievaulx] |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1165 - 1175 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis Hugo Brun salutem Sciatis me quietum clamasse de me et de heredibus meis in perpetuum et presenti carta confirmasse Deo et ecclesie Sancte Marie Rievallis et monachis ibidem Deo servientibus pro anima patris mei et pro anima matris mee et pro salute anime mee et omnium parentum et heredum meorum in puram et perpetuam elemosinam quicquid juris et calumpnie habui in Micleholm et alibi in wasto subtus Pikaringa intra divisas que nominantur in carta regis Henrici filii Matildis imperatricis quam dedit eisdem monachis de predicto wasto ita quod ego et heredes mei nullam reclamationem faciemus in perpetuum super aliquid quod continetur infra predictas divisas Et ut hec elemosina mea rata sit predictis monachis in perpetuum et firma hec omnia fideliter et sine malo ingenio tenenda in perpetuum manu mea affidavi pro me et pro heredibus meis et cartam hanc super altare Sancte Marie Rievallensis manu mea posui His testibus magistro Gaufrido de Duva Hugone capellano de Helmeslac magistro Willelmo filio Theodorici Thoma diacono de Helmeslac Roberto clerico de Sproxtun Willelmo filio Briani Henrico filio Thochemanni Willelmo de Pokeleia Willelmo dispensario Radulfo de Beauvair Symone homine Petri de Ros Roberto et Thoma fratribus ejus Gilleberto filio Willelmi Roberto filio Aldredi Willelmo le Monie[r] Rogero le Envaise Willelmo filio Baldewini Theod[orico] filio Edolf Willelmo filio portarii