Charter Document - 01090185
| Charter Number: | 01090185 |
|---|---|
| Cartulary Title: | Cartularium Abbathiae de Rievalle [Rievaulx] |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1175 - 1179 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis Willelmus comes de Albemarlia salutem Sciatis me dedisse et presenti carta confirmasse Deo et ecclesie Sancte Marie Rievallis et monachis ibidem Deo servientibus pro anima patris mei et matris mee et pro anima mea et pro animabus omnium parentum et heredum meorum in puram et perpetuam elemosinam quicquid juris habui in Miclaholm et quietam clamasse totam calumpniam quam habui super idem Miclaholm in perpetuum Hanc elemosinam meam dedi eis tenendam in perpetuum liberam et quietam ab omni terreno servitio et exactione seculari Ego et heredes mei warantizabimus eis eandem elemosinam contra omnes homines in perpetuum Ego etiam recepi eandem domum in meam protectionem et custodiam et monachos et conversos ejusdem domus similiter sicut fratres meos Hanc donationem feci eis in curia domini regis Anglorum coram Willelmo filio Aldelini dapifero ejus His testibus Symone comite de Hontedona Saero de Quinci