Charter Document - 01090184
| Charter Number: | 01090184 |
|---|---|
| Cartulary Title: | Cartularium Abbathiae de Rievalle [Rievaulx] |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1170 - 1180 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis Walterus Bardol[f] salutem Sciatis me dedisse et hac presenti carta confirmasse Deo et ecclesie Sancte Marie Rievallis et monachis ibidem Deo servientibus pro anima patris mei et anima matris mee et pro salute anime mee et uxoris mee et omnium parentum et heredum meorum in puram et perpetuam elemosinam unam acram terre in Ramescliva liberam et quietam ab omni terreno servitio et exactione seculari et preterea quietum clamasse illis de me et de heredibus meis in perpetuum quicquid juris et calumpnie habui in wasto subtus Pikaringe a parte australi de Midsich versus Erneshou et quicquid juris et calumpnie habui alibi in eodem wasto infra divisas que nominantur in carta regis Henrici filii Matildis imperatricis quam dedit eisdem monachis de prefato wasto ita quod ego et heredes [mei] nullam reclamationem faciemus in perpetuum super aliquid quod continetur infra predictas divisas Hanc elemosinam meam ego et heredes mei warantizabimus prefatis monachis contra omnes homines in perpetuum que ut rata sit et firma in perpetuum hec omnia fideliter et sine malo ingenio tenenda in perpetuum manu mea affidavi pro me et heredibus meis et hanc cartam posui manu mea super altare Sancte Marie Rievallensis His testibus Rogero abbate de Bellalanda Nicholao de Traili Richerio [de] Walesanda Henrico de Mainil Simone de Steinegrif Roberto clerico de Martona Willelmo de Tamtun Willelmo Esturmi Ernaldo filio Bence Jukelo de Alvertona Roberto Breth Jordano Cusin Ricardo de Sproxtun