Charter Document - 01090173

Henricus rex Anglorum et dux Normannorum et Aquitanorum et comes Andegavorum archiepiscopis episcopis abbatibus comitibus baronibus justiciariis vicecomitibus forestariis ministris et omnibus fidelibus suis Francis et Anglis Anglie salutem Sciatis me dedisse et presenti carta mea confirmasse Deo et Sancte Marie et ecclesie de Rievalle et monachis ibidem Deo servientibus pro anima gloriosi regis Henrici avi mei et pro animabus patris mei et matris mee et fratrum meorum et pro salute anime mee et filiorum meorum in liberam et puram et perpetuam elemosinam totum wastum meum et totam pasturam meam subtus Pikaringam cum omnibus pertinentiis suis in pratis et pasturis in aquis et piscariis et molendinis et in omnibus aliis rebus per metas et easdem divisas quas wapentach de Pikaringalith juravit ad meum proprium opus et in plenario comitatu Eboracensi coram justiciis meis recognovit scilicet quicquid est inter Alvestainebec et Tacriveling in longitudine preter pratum de Edivemersc per has scilicet divisas a loco ubi Alvestainebech cadit in Derewentam sicut eadem Derewenta currit usque ad locum ubi Ria cadit in Derewentam et inde usque ubi Costha cadit in Riam etinde per Costam ad Tacriveling et inde per Tacriveling usque ad fossatum monachorum et inde per idem fossatum sicut circuit Lund et cadit in Costham et inde per Costham contra aquilonem sursum usque ad locum ubi Kiptoftesich cadit in Costham et inde sicut Kiptoftesich tendit usque ad Midsich et inde per Midsich usque ubi Thornetonebech cadit in Midsich et inde per Thornetonebech contra aquilonem usque ad fossatum quod circuit campum de Theokemarais et inde per idem fossatum usque ad Blastam et inde per sikettum quod ibi est usque in Midsich et inde sicut Midsich descendit in Alvestainebech et inde sicut Alvestainebech descendit in Derewentam Hec omnia dedi eis per prescriptas divisas et concessi similiter ut infra ipsas divisas domos et bercharias edificent et terram colant et exerceant per totum sicut eis placuerit Quare volo et regia auctoritate et a Deo michi concessa potestate concedo statuo corroboro predicte ecclesie et monachis hec omnia nunc et in perpetuum optinenda in liberam elemosinam bene et in pace honorifice integre et plenaria sicut rex Henricus avus meus ea tenuit in dominico suo die qua fuit vivus et mortuus libera et quieta de omni themanetala et danegelda et omnibus auxiliis et assisis et geldis et omnibus consuetudinibus et occasionibus et placitis et de omni terreno servitio quod michi vel successoribus meis unquam pertineat Et prohibeo ne aliquis infra predictas metas cum averiis intrare vel turbam fodere vel in aliqua re se intromittere ullo modo presumat sine voluntate et licentia eorum super foris facturam meam Testibus Rogero archiepiscopo Eboracensi Ricardo episcopo Wintoniensi Rogero episcopo Wigornensi Hugone episcopo Dunelmensi Roberto comite Legrecestrie Hamone comite de Wareinna Symone comite Ricardo de Luci Rainaldo de Curtenai Willelmo filio Aldelini dapifero apud Westmonasterium