Charter Document - 01090154
| Charter Number: | 01090154 |
|---|---|
| Cartulary Title: | Cartularium Abbathiae de Rievalle [Rievaulx] |
| Charter Language: | Latin |
| Charter Origin: | Lay |
| Charter Type(s): | Gift |
| Date: | 1154 - 1166 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis Rogerus de Molbrai salutem Sciatis me dedisse et hac presenti carta confirmasse Deo et ecclesie sancte Marie Rieuall[is] et monachis ibidem Deo servientibus in liberam et perpetuam elemosinam Welleburnam et Houetunam cum omnibus pertinentiis suis excepta ecclesia de Wellebr[una] cum vj bovatas terre que pertinent ad eam Quod si forte aliqui sub nomine ecclesie predicte aliquid ceperint in bosco vel in plano vel pastura aliter quam ceperunt antecessores eorum tempore Nigelli patris mei ego et heredes mei nullo modo id patiemur sed monachis jus suum contra omnes warantizabimus De decimis suis hoc est de Wellebr[una] et de Houet[una] si quis eos vexaverit et decimas ab eis exegerit nec ego nec heredes mei inde intromittamus nec aliquis per nos vel quem inde retrahere poterimus nec aliquem contra eos inde loquentem adjuvabimus vel manu tenebimus Hec omnia firmiter tenere et sine malo ingenio perpetuo servare manu mea affidavi His testibus Roberto capellano Hugone Malebisse Roberto de Bellocampo Radulfo Chinun Petro clerico