Charter Document - 01090141
| Charter Number: | 01090141 |
|---|---|
| Cartulary Title: | Cartularium Abbathiae de Rievalle [Rievaulx] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1174 - 1181 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis Acharius de Tunstal salutem Sciatis me dedisse et hac presenti carta confirmasse Deo et ecclesie sancte Marie Rieuallis et monachis ibidem Deo servientibus pro animabus patris mei et matris mee et pro salute anime mee et Sibille uxoris mee et omnium parentum et heredum meorum concessu et bona voluntate Rogeri filii mei in puram et perpetuam elemosinam illam culturam duodecim acrarum terre quam primo tenuerunt de me ad terminum scilicet illam que incipit ad Birkelde ex parte orientali de Bodeltona ad australem partem vie qua itur de Bodelt[ona] ad Richemund[iam] et durat usque in rivulum de Depedala et inde per descensum aque usque ad rogum calcis tenendam in perpetuum liberam et quietam ab omni terreno servicio et exaccione seculari reddendo singulis annis michi et heredibus meis duos solidos argenti et vj denarios ad festum sancti Martini pro omnibus serviciis et nichil amplius Et preterea dedi eis in liberam et perpetuam elemosinam illud parvum pratum quod Henricus de Bodelt[ona] tenuit de me juxta predictam culturam Hec omnia ego et heredes mei acquietabimus de omnibus servitiis et warantizabimus illa contra omnes homines in perpetuum Hec autem fideliter et sine malo ingenio tenenda in perpetuum manu mea affidavi primo in manu Rogeri de Katerich decani et postea in manu Radulfi de Valaines in curia comitis de Richemund His testibus Thoma priore de sancto Martino Rogero de Katerich decano Radulfo de Valaines Alano filio Briani Rogero de Coiners Alano pincerna Conano de Hornebi Thoma de Hakeford Conano de Esch Willelmo filio Gamelli Thoma de Runget[ona] Achario de Alnadebi Alexandro clerico de Castello Bernardi Rogero filio meo Radulfo Bodan