Charter Document - 01090140

Omnibus sancte matris ecclesie filiis Acharius de Tunstal salutem Notum sit vobis me dedisse et hac presenti carta confirmasse Deo et ecclesie sancte Marie Rieuallis et monachis ibidem Deo servientibus in liberam et perpetuam elemosinam pro anima mea et anima uxoris mee et Conani filii mei et omnium parentum nostrorum unam domum in Bodeltuna cum tofto et crofto juxta fontem qui vocatur Birkelde ad occidentalem partem ejusdem fontis in quibus continetur una acra et tres perticatas terre Preterea dedi eisdem monachis terram in campo predicte ville a via qua itur de Bodelt[un] ad Richemund usque ad fossatum quod fecit frater Godricus ultra magnum truncum de Boul scilicet octies xx et iiij perticatas in longum et xl in latum a cilio montis de Depedale versus occidentem que simul faciunt xl et unam acram itemque de cilio predicti montis dedi eis totum latus ejusdem montis versus orientem usque ad aquam que fluit in predicta Depedale per totum sicut terra eorum superius nominata tendit in longum Hanc terram concessi monachis fossato et sepi claudere et uti pro eorum voluntate Pasturam etiam in eadem villa de Bodelt[un] dedi eis ad iiij equos et xvj animalia et ad oves quadringentas et ad arietes xxiiij quarum ovium agni postquam a matribus fuerint separati per totam pasturam ejusdem ville pascentur tribus ebdomadibus sicut agni de Bodelt[un] Dedi preterea antedictis monachis ad aisiamentum fratrum suorum sedem bercharie ad oves suas ante nominatas in campo ville superius nominate continentem in se xix perticatas terre in longum et xv in latum Concessi etiam eis totam pasturam in Apedale ita quod non cedent ibi ligna nisi per licentiam meam nec canis eorum ibi curret nisi ducatur Porro aisiamenta sua per totum ubi homines mei accipiunt tam ad focum quam ad sepes faciendas et ipsi accipient Concedo nihilominus eis molere bladum suum ad molendinum meum pro vicesima mensura quamdiu bene molere potest et quando voluerint Sciendum est autem quod predicte quadringente oves per magnum centum numerabuntur que oves cum animalibus supradictis pascentur in communi pastura ubicumque pecora predicte ville pascuntur Hec omnia dedi eisdem monachis Rieuall[is] concessu et bona voluntate Sibille uxoris mee et omnium heredum meorum libera et quieta ab omni terreno servitio et consuetudine seculari que omnia warantizabimus eis ego videlicet et heredes mei contra omnes homines in perpetuum His testibus Serlone abbate de Elemosina Turstino abbate de Geroldonia Hugone abbate de sancto Laurentio Johanne abbate de Joreualle Radulfo abbate de sancta Agatha de Richemund[ia] Rogero decano de Cateric Willelmo persona de Hornebi Willelmo persona de Richemund[ia] Nicholao persona de Bodelt[un] Everardo de Ros Alano pincerna comitis de Richemund[ia] Roberto filio Ernisii Thoma filio Stephani de Mirflet Radulfo magno Waltero de Bobi Everardo Althain Andrea de Hakeford Laurentio de Hernebi Radulfo filio Bude Rogero Ricardo Werri filiis ipsius Acharii Acharia de Halnathbi Willelmo filio Drogonis de Harum Rogero de Multun Willelmo Luuet Odone de Helertun Ivone de Forset Unfrido de Aluertun Copsi de Wandesl[eia] Turkillo de Tunstal Willelmo filio Edredi Ivone filio Ernaldi Willelmo filio Dolfini Willelmo filio Unfridi Uctredo filio Reinilde Hugone filio Halthuri Ricardo de Weremund