Charter Document - 01090139

Omnibus sancte matris ecclesie filiis Acharius de Tunstal salutem Sciatis me dedisse et hac presenti carta confirmasse Deo et ecclesie sancte Marie Rieuallis et monachis ibidem Deo seruientibus pro anima mea et pro animabus omnium parentum meorum in liberam et perpetuam elemosinam xxv acras terre et dimidiam in territorio de Bodeltun ad australem partem vie qua itur de Bodeltun ad Richemund juxta fontem qui vocatur Birkelde ad orientalem partem ejus usque ad Stainwath de qua terra iiii acre et dimidie sunt culte et xxi inculte et nemorose quas saltabunt monachi cum voluerint et totam terram istam scilicet xxv acras et dimidiam fossato vel sepi claudent et utentur sicut eis placuerit que in una cultura continentur Preter hec dedi eis tres acras terre ad Wantegilebanch et pasturam per totum territorium ejusdem ville intus et extra ubicumque pecora mea et hominum ejusdem ville pascuntur ad x boves et unum taurum et xxiiii vaccas cum vitulis suis qui morabuntur cum matribus suis semper per annum integrum in eadem pastura et ad xii porcos habentes unius anni etatem Et preter haec dedi eis octo perticatas terre in latum a fonte qui vocatur Birkelde usque ad viam que vadit de Bodeltun ad Richemund ad egressum et regressum suum itemque viii perticatas in latum ex alia parte ab eadem via usque ad berchariam suam Hec omnia dedi eis in liberam et perpetuam elemosinam excepta dimidia marcha argenti quam michi et heredibus meis singulis annis persolvent ad Pentecosten pro omnibus servitiis Sed sciendum est quod quieti erunt monachi ab hac firma xx annis pro x marcas argenti quas dederunt michi ante festum Sancti Martini in Anno Domini MCLXXIII quando hanc terram de me receperunt scilicet usque ad Pentecosten in Anno Domini MCXCIIII Finitis vero predictis xx annis solvent michi vel heredibus meis singulis annis dimidiam marcam argenti ad predictum terminum pro omnibus servitiis ita quod nichil aliud michi vel heredibus meis persolvent pro predicta terra et pastura Et quum Willelmus filius Umfridi et Dolfinus et Willelmus filius ejus et Huctredus et Robertus filius ejus habebant singulas portiones infra predictas xxv acras terre et dimidiam dedi eis escambium alibi in campo de Bodeltun ad valentiam et ipsi bona voluntate sua hanc donationem meam concesserunt et manibus suis affidaverunt coram subscriptis testibus se nunquam in posterum reclamationem facturos super terram predictam nec per se nec per alium aliquem Et ego propria manu mea affidavi quod ego et heredes mei servabimus et manu tenebimus et warantizabimus hec omnia monachis Rievallis sine malo ingenio contra omnes homines in perpetuum cum concessu et bona voluntate Sibille uxoris mee et filiorum meorum Rogeri et Ricardi et Werri qui Rogerus et Ricardus hoc ipsum affidaverunt His Testibus Radulfo Abbate de Sancta Agatha Radulfo et Nicholao Canonicis ejusdem Domus Rogero Decano de Kateric Alano Capellano de Haukeswelle Nicholao Presbitero de Bodeltun Ricardo Persona de Haukeswelle Everardo de Ros Alano Pincerna Comitis de Richemund Thorphino filio Roberti Radulfo de Valaine Conano de Esch Amalrico Constabulario Radulfo filio Bude Roberto filio Ernisii Radulfo Magno Thoma filio Stephani de Mirflet Waltero de Bobi Everardo de Haltham Rogero [de] Baventh Abraham Cathermonie Osberto de Ridmare Thurkillo de Tunstal