Charter Document - 01090138
| Charter Number: | 01090138 |
|---|---|
| Cartulary Title: | Cartularium Abbathiae de Rievalle [Rievaulx] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1160 - 1175 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis Thorphinus de Alvestein salutem Sciatis me dedisse et hac presenti carta mea confirmasse Deo et Sancte Marie Rievallis et loci ejusdem monachis pro anima mea et omnium parentum et antecessorum meorum concessu et bona voluntate omnium heredum meorum in puram et perpetuam elemosinam duodecim perticatas terre juxta rivulum de Alvestein ad orientalem partem ejusdem rivuli terram scilicet que fuit Ricardi filii Gil et tendit in longum usque ad pratum ejusdem ville de Alvestein Dedi etiam prefatis monachis totum pratum quod subjacet predicte terre versus Derewent et fuit supradicto Ricardo x videlicet perticatas in latum et tenduntur in longum usque ad fossatum quod dividit inter ipsum pratum et mariscum communem scilicet pasturam ejusdem ville Hec eis dedi et confirmavi in puram et perpetuam elemosinam libera ab omni terreno servitio et exactione seculari et consuetudine et interrogato et omni omnino re exceptis orationibus His testibus Adam de Silvetun Willelmo de Weng Roberto filio Liulfi