Charter Document - 01090115

In nomine Sancte et Individue Trinitatis Bernardus de Balliolo universis sancte matris ecclesie filiis tam presentibus quam futuris salutem Notum sit vobis me dedisse et presenti carta mea confirmasse Deo et ecclesie Sancte Marie Rievallis et monachis ibidem Deo servientibus pro salute anime domini mei Henrici regis Anglorum et omnium parentum suorum et pro anima patris mei et matris mee et pro anima Jocelini avunculimei et pro anima mea et uxoris mee et pro animabus omnium heredum et parentum et antecessorum meorum liberam in puram et perpetuam elemosinam communem pasturam lx matribus equabus cum nutrimento suo per totam forestam meam de Thesedale ita ut pulli et pultre cum etatem duorum annorum habuerint inde removebuntur et pasturam ad sexies viginti animalia sine secta et ad xii vaccas et duos tauros cum nutrimento suo in una parte ejusdem foreste scilicet infra Egleshope et Hodeshope per has divisas ex parte aquilonali de Middeltun a capite Snelesgile super Lungeskage usque ad Wlfvelaickeburne et a Wlfvelaickeburna per transversum Egleshope usque ad Gragretenottes et sicut divise sunt inter me et episcopum Dunelmensem superius versus aquilonem quantum foresta mea durat item ex parte meridiana a capite Snelesgile per Gaittecastellum us[que] ad rivum de Hodeshope per filum aque superius versus aquilonem usque ad divisas foreste predicti episcopi quantum foresta mea durat ita quod vituli et vitule xii vaccarum cum etatem duorum annorum habuerint inde removebuntur Preterea do eis duas bovatas terre in villa mea de Middeltona plenaria cum omnibus appendiciis et rebus eidem terre pertinentibus in bosco et plano in pratis et pascuis in viis et semitis liberas et quietas ab omni terreno servitio et exactione seculari et communem pasturam ejusdem ville cum omnibus libertatibus et aisiamentis que pertinent duabus aliis bovatas in eadem villa Et sciendum quod predicte vacce et tauri cum nutrimento suo ibunt ad communem pasturam predicte ville quando pastores monachorum voluerint Concedo etiam eis omnia aisiamenta in predicta foresta mea scilicet materiem ad faldas faciendas ob equas illaqueandas et logias ad opus pastorum et focalia ad suos proprios usus et ut in predicta pastura animalium scilicet infra Egleshope et Hodeshope faciant logias ad opus pastorum animalium et faldas ad opus animalium et ut libertatem habeant per totam terram meam eundi et redeundi et ducendi animalia sua ad pasturam et reducendi Notandum autem quod in sepe dicta pastura animalium facient clausuram ad fenum faciendum quantum voluerint ubi eis placuerit et utilius eis fuerit et pastores habebunt cornua cum eis in pastura et canes infra clausuras suas et logias et infra easdem clausuras ortos ad utendum sicut eis placuerit Preterea do eis et presenti carta confirmo duas bovatas terre in villa mea de Westerdale plenaria cum omnibus appendiciis et rebus eidem terre pertinentibus in bosco et plano in pratis et pascuis in viis et semitis liberas et quietas ab omni terreno servitio et exactione seculari et communem pasturam ejusdem ville cum omnibus libertatibus et aisiamentis que pertinent duabus aliis bovatas in eadem villa Do eis etiam communem pasturam sexies viginti animalibus sine secta per omne territorium et per totam forestam meam de Westerdale ubique longe et prope sine retene mento exceptis pratis et bladis quibus post ablatam vesturam ipsi utentur sicut homines ejusdem ville eis utuntur et ut in eadem foresta clausuram faciant ad fenum faciendum et faldas et logias per omnia sicut predictum est debere fieri in pastura infra Egleshope et Hodeshope Hec omnia ego et heredes mei manu tenebimus et warantizabimus predictis monachis contra omnes homines et acquietabimus de omnibus servitiis et consuetudinibus Omnia predicta dedi eis in puram et perpetuam elemosinam libera et soluta et quieta ab omnibus servitiis et consuetudinibus et omni terreno servitio et exactione seculari bene et in pace et honorifice et libere et integre in perpetuum tenere reddendo michi et heredibus meis annuatim duas marchas argenti unam scilicet ad Pentecosten et alteram ad festum Sancti Martini pro omnibus servitiis Hanc elemosinam meam ita dedi liberam sicut unquam aliqua elemosina melius et liberius et quietius dari potest Et quia volo ut hec predicta elemosina mea firma sit et stabilis manu mea affidavi in manu Willelmi de Mandavilla et xij liberi homines mei qui hujus carte testes sunt mecum affidaverunt in manu ejusdem Willelmi sub presentia totius capituli Eboracensis omnia que in hac carta continentur sine malo ingenio me servaturum Sed et ecclesiam Eboracensem horum omnium testem inter me et monachos constitui ita ut si aliquando ego vel heredes mei ab hac donatione et hujus carte tenore deviare temptaverimus ipsa ecclesia ad hec exequenda nos ecclesiastica revocet disciplina His testibus Rogero Eboracensi archiepiscopo Clemente abbate Sancte Marie Eboracensis Johanne filio Letoldi archidiacono Willelmo cantore Willelmo filio Thosti Geroldo canonico Thoma filio Paulini Hugone de Gant Alano canonico Nicholao Gernagan Hamundo canonico Radulfo capellano archiepiscopi Radulfo vicario Hamundi Willelmo de Budum Roberto vice archidiaconi Rogero et Thoma fratribus ejus Hugone de Ruddebi Johanne clerico de Hovingaham Michaele clerico archiepiscopi Gerardo clerico filio Lewini Rogero clerico Bernardi de Bailliolo Willelmo de Amundavilla Jocelino de Hellescurt Thoma de Grantsart Ernaldo filio Benze Ranulfo filio Willelmi Roberto de Rue Bernardo de Maruil Ausi de Neut[un] Waltero de Abbevilla Engelram de Coudrai Wermund de Grantsart Alano de Egesclif David le Lardener de Eboraco Thoma filio ejus Roberto le Norais Thoma filio Roberti filii Godrici Hugone filio Lewini