Charter Document - 01080076
| Charter Number: | 01080076 |
|---|---|
| Cartulary Title: | Two Chartularies of the Priory of St. Peter at Bath |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1258 |
| Date type: | Internal, A.D. |
| Resource Link(s): |
Corpus Christi College, Cambridge - MS 111 (p131) |
Charter:
Hec est conventio facta inter Thomam priorem et conventum Bathon ex una parte et Eliam Cotel ex altera anno domini Millesimo ducentesimo quinquagesimo octavo videlicet quod dictus Elias pro salute anime sue antecessorum et successorum suorum in puram et perpetuam elemosinam pro se et heredibus suis vel assignatis suis remisit et quietum clamavit omne jus et clementiam quod habuit vel aliquo casu contingente habere potuit in pasturam que est ex occidentali parte de Southwode in manerio de Prisshtona que quidem pastura a divisione campi ejusdem manerii et Lemmannesfeld directe se extendit usque ad vetus fossatum quod est ex opposito anguli australis ejusdem bosci sicut per sex homines ex utraque parte juratos divisum est Ita quod dicti prior et conventus dictam pasturam pro voluntate eorum includant quod dictus Elias nec homines sui pro defectu clausi dampnum incurrant Preterea concessit eisdem priori et conventui ab Horestone racionabilem viam quandocunque voluerint ad averna sua dictam pasturam intranda et exuenda ita quod dicta averna per nimiam moram faciendo dictam viam non pascant In hujus vero conventionis securitatem presentibus chirographis sigilla sua divisim apposuerunt Hiis testibus Domino de Palton Nicholao de Littelton Waltero Balun Roberto de Littelton Rogero de Whittockesmede Ricardo de Ekewike Willelmo le ffrannkeleyn de Cridelyncote et aliis
Source (click image below to view full size)
