Charter Document - 01080074

Adrianus episcopus servus servorum dei venerabili in Christo fratri R dei gratia Bathoniensi episcopo salutem et apostolicam benedictionem Officii nostri nos hortatur auctoritas et invitat fratrum nostrorum episcoporum quieti diligenti studio providere ipsorumque perturbationibus petre apostolice soliditatem opponere Ea propter venerabilis in Christo frater Roberte episcope tuis justis postulationibus gratum impertientes assensum ecclesiam Beati Petri Bathoniensis monasterii cui auctore deo preesse dinosceris sub Beati Petri et nostra protectione suscipimus et presentis scripti privilegio communimus Statuentes ut quascunque possessiones quecunque bona eadem ecclesia in presentia juste et canonice possidet aut in futurum concessione pontificum largitione regum vel principum oblatione fidelium seu aliis justis modis deo propitio poterit adipisci firma tibi tuisque successoribus et illibata permaneant In quibus hec propriis duximus exprimenda vocabulis Abbatiam Sancti Petri Bath a bone recordationis Willelmo et Henrico fratre ejus quondam regibus Anglie Sumersetensi episcopatui ad ejus augmentacionem et ad transferendam in civitatem Bathonie atque in eandem pariter abbatiam presulem sedem per cartulam donationis traditam cum omnibus appendiciis suis tam in civitate quam in villis et in consuetudinibus illis quibus seisiata erat ea die qua idem Willelmus rex suscepit regni administrationem Lincumbam Sudstocam Cumbam Pristonam Evesciam Welmendonam Stantonam Corstonam Eswicam Cameleyam Ælvestonam Æistonam in Westona quinque hidas Nordstocam Cherlecumbam in Estona hidam et dimidiam Fordam Hamtonam Wudewicam ecclesiam de Bantona ecclesiam de Dunestorra ecclesiam de Brigge cum omnibus pertinentiis suis civitatem Bathonie cum omnibus pertinenciis ad firmam ejusdem civitatis sicut a bone memorie Henrico quondam rege Anglie in elemosina ecclesie tue jure perpetuo et hereditario donata esse dinoscitur et per cartam eadem donatio confirmata cum omnibus placitis legibus justiciis omnibusque consuetudinibus ipsius civitatis et adjutoriis foro theloneo et nundinis in utroque festo Beati Petri et justiciis totius hundredi ejusdem civitatis hydagio quoque de xx hidis ad eandem urbem pertinentibus Quas utique donationes superius annotatas et translationem presule sedis auctoritate apostolica tibi et per te ecclesie tue firmiter roboramus et perpetuis temporibus inconcussas decernimus permanere preterea Clafertonam in Estona quatuor hidas Dochemeresfeldam Salinas in foresta que dicuntur Hernemuda in Westona quinque hidas in quibus est ecclesia Decernimus ergo ut nulli omnino liceat prefatam ecclesiam temere perturbare aut bona ejusdem vel possessiones auferre vel ablatis retinere minuere seu aliquibus vexationibus fatigare Sed omnia integra conserventur eorum pro quorum gubernatione et sustentatione concessa sunt usibus omnimodis profutura Salva nimirum in omnibus apostolice sedis auctoritate Si qua igitur in posterum ecclesiastica secularisve persona contra hanc constitutionis nostre paginam temere venire temptaverit secundo terciove commonita si non satisfactione congrua emendaverit potestatis honorisque sui dignitate careat reaque se divino judicio existere de perpetrata iniquitate cognoscat et a sacratissimo corpore et sanguine dei et domini redemptoris nostri Ihesu Christi aliena fiat atque in extremo examine districte ultioni subjaceat Cunctis autem eidem ecclesie jura servantibus sit pax domini nostri Ihesu Christi quatinus et hic fructum bone actionis percipiant et apud districtum judicem premia eterne pacis inveniant Dat Beneventi xii Kal Febr per manum Rolandi