Charter Document - 01080069
| Charter Number: | 01080069 |
|---|---|
| Cartulary Title: | Two Chartularies of the Priory of St. Peter at Bath |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1155 - 1162 |
| Date type: | Assigned |
| Resource Link(s): |
Corpus Christi College, Cambridge - MS 111 (p125) |
Charter:
Henricus rex Anglorum et dux Normannie et Aquitanie et comes Andegavensis archiepiscopis episcopis abbatibus comitibus baronibus justitiis vicecomitibus et omnibus fidelibus et amicis suis francis et anglis salutem Sciatis me concesse et confirmasse ecclesie beati Petri de Bathonia et monachis ibidem deo servientibus manerium de Cameleia cum omnibus pertinentiis suis sicut Beatricia mater Alexandri de Alnoio et ipse Alexander et fratres ejus illud monachis predictis vendiderunt et in elemosinam perpetuam concesserunt et sicut carta Willelmi comitis Gloecestrie coram quo manerium illud eis fuit concessum ab Alexandro et fratribus suis et matre sua testatur Quare volo et firmiter precipio ut ecclesia predicta et monachi manerium illud bene et in pace libere quiete et honorifice teneant in perpetuum cum omnibus pertinentiis suis in bosco in plano in pratis in pascuis in viis in semitis in molendinis et in omnibus rebus Teste Thoma cancellario Reginaldo comite Cornubie Ricardo de Hum conest Manserio Biset dapifero Apud Sarum
Source (click image below to view full size)
