Charter Document - 01080042
| Charter Number: | 01080042 |
|---|---|
| Cartulary Title: | Two Chartularies of the Priory of St. Peter at Bath |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1100 |
| Date type: | Internal, A.D., Calendar, Feast |
| Resource Link(s): |
Corpus Christi College, Cambridge - MS 111 (p105) |
Charter:
Regnante in perpetuum domino nostro Ihesu Christo Anno ab incarnatione domini nostri MC Indictione viii Epacta xviii Concurre vii xviii kalendas Octobri Luna vi Die exaltationis sancte Crucis Ego Henricus gratia dei Anglorum rex primo anno regni mei pro remedio anime patris mei matrisque mee necnon et fratris mei omnium antecessorum vel successorum meorum Bathoniensi ecclesie Sancti Petri et Johanni episcopo ecclesie ejusdem patrono omnibusque fratribus in eadem ecclesia Deo servientibus ad augmentationem victus eorum in perpetuam elemosinam v hidas terre de Westona concessu Patricii qui eandem terram sub me possidebat concedo sub eadem libertate sub qua cetere ejusdem ecclesie terre tenentur Hec concessio apud Westmonasterium Signum manus Henrici regis hoc Signum Thome archiepiscopi Signum Rodberti Cestrensis ecclesie episcopi Signum Girardi episcopi Signum Willelmi Giffardi episcopi Signum Willelmi comitis de Moritun Signum Walteri Giffardi Signum Hugonis comitis Signum Symonis comitis Signum Rodberti Haimonis filii Signum Henrici comitis Signum Rogeri de Bigot Signum Engennulfi de Ferr Signum Winebaldi de Baalon Signum Hamelini Signum Willelmi capellani de Warelwast
Source (click image below to view full size)
