Charter Document - 01070158
| Charter Number: | 01070158 |
|---|---|
| Cartulary Title: | The Chartulary of Brinkburn Priory |
| Charter Language: | Latin |
| Charter Origin: | Religious |
| Charter Type(s): | Arbitration |
| Date: | 1179 - 1189 |
| Date type: | Assigned |
| Resource Link(s): |
People of Medieval Scotland |
Charter:
Ernaldus de Melros et G[alfridus] de Novo Monasterio et R[icardus] de Jeddeworth dicti Abbates omnibus Sancte Matris Ecclesie filiis ad quos littere iste pervenerint salutem in Domino Noverit universitas vestra causam quam vertebatur inter canonicos de Brinkburne et monachos de Kelso auctoritate Domini Pape nobis commissam super quodam fundo in Roxburgh quem Robertus capellanus de canonicis jure hereditario in burgagio tenebat reddendo annuatim xxij denarios quorum decem canonicis solvebat et xij [denarios] G Fraser et heredibus suis amicabili compositione coram nobis hoc modo fuisse decisam scilicet quod predicti canonici de Brinkburne fundum quem petebant sub solita pensione predictis monachis inperpetuum concesserunt et hoc carta capituli sui confirmaverunt salva predicta pensione x denarios ipsis canonicis a monachis solvenda annuatim ad festum Sancti Jacobi et salva pensione xij denarios quos predicti monachi reddent annuatim G Fraser et heredibus suis monachi vero cartam capituli sui predictis canonicis dederunt de pensione annuatim fideliter reddenda tam ipsis canonicis quam G Fraser et heredibus suis inperpetuum Ita quod si jam dicti monachi super predicto fundo ab aliquo vexentur canonici cum eis fideliter et sine dolo stabunt Et ne causa semel decisa in irritum futuris temporibus devocari possit ipsam compositionem sigillorum nostrorum munimine communimus Facta est autem compositio coram nobis Hiis testibus G Priore de Carru Hugo clerico et capellano Regis Magistro Thoma de Berwyk et aliis
Source (click image below to view full size)
