Charter Document - 01050181

Pateat vniuersis presens scriptum visuris vel audituris quod cum abbas et conuentus de Stonle concesserunt pro se et successoribus suis magistro et fratribus milicie templi in Anglia et successoribus suis iiii et ii acras vasti in Westwode in manerio de Stonleya per perticam xxiiii pedum mensuratas claudendas et in separabili in perpetuum possidendas pro relaxacione omnimode commune quam ipse magister et fratres ac illorum homines infra manerium de Stonle annuatim in diuersis proficuis habebant Et eciam v et x acras eiusdem vasti pro centum marcis argenti a dictis magistro et fratribus pre manibus receptis per predictam mensuram mensuratas prout in duobus scriptis inde confectis et inter eos indentatis plenius continetur vnanimiter hinc inde concessum est et conuentum quod predicti magistri et fratres primo includant predictas iiii et ii acras et inde se approwent secundum quod sibi viderint expedire infra quinque annos a Pascha domini anno regni regis Edwardi filii Regis Henrici xxii in forma subscripta videlicet quod si predicti magistri et fratres ad querelam alicuius per iudicium curie domini regis infra predictos quinque annos vel post dictas iiii et ii acras vel aliquam sui parte absque eorum defalta amiserunt vel infra predictos quinque annos per aliquem vel aliquos prepediti fuerint quominus predictas iiii ii acras includere et inde se approware possint tunc predicti abbas et conuentus concesserunt pro se et successoribus suis quod ipsi magister et fratres et eorum successores et eorum homines ac illorum hominum heredes rehabeant et possideant totam communam suam in housbote heybote et fuyrbote cum singulis suis proficuis absque impedimento dictorum abbatis et conuentus vel successorum suorum adeo plene et large sicut ea habuerunt die confeccionis presencium cum eadem accione quam habuerunt eadem die ad petendum communam et proficua per vasta hactenus inclusa itaquod istud instrumentum quod ad actionem illam partibus non preiudicet Et predicti magister et fratres concesserunt pro se et successoribus suis quod si contingat quod ipsi pro se et hominibus suis rehabere voluerint predictam communam cum suis proficuis vt predictum est occasione amissionis predicte vel impedimenti predicti pro impedimento vel amissione tocius vel partis iiii et ii acrarum predictarum tunc immediate predicti abbas et conuentus reintrent et repossideant predictas iiii et ii acras vnacum toto redditu et seruicio quem et quod de tenentibus dictorum magistri et fratrum ante confeccionem presencium plenius habuerunt vel habere debuerunt sicut ea sicut predicti abbas et conuentus ante confeccionem presencium plenius habuerunt isto scripto quo ad predictam communam cum proficuis prenominatis predictis in iiii et ii acris predictis magistro et fratribus vel eorum successoribus ex tunc minime preiudicante nec maius ius quam die confeccionis presencium habuerunt eis in aliquo attribuente alio scripto inde inter eos indentato extunc neutri parti valituro Volunt preterea et concedunt predicti magister et fratres ac tenore presencium pro se et successoribus suis tenentur predictos abbatem et conuentum et eorum successores penes omnes homines suos de Flichamstede et eorum heredes quo ad communam vel aliud proficuum infra totum manerium de Stanle futuris temporibus habend conseruare indempnes ne aliquid in husbote heybote et fuyrbote nec in aliqua communa vel proficuo in toto manerio predicto contra tenorem presencium petant vel habeant in perpetuum Item inter partes predictas quo ad v et x acras taliter conuenit quod predicti magister et fratres infra quinquennium predictum easdem acras totaliter includant et inde pro voluntate sua se approwabunt Et concessum est hinc inde quod si dicti magister et fratres absque eorum defalta infra dictum quinquennium dictas v et x acras ad sectam alicuius per iudicium curie domini regis in parte vel in toto amiserint vel de toto seu parte prepediti fuerint itaquod inde se approware non possint vt predictum est tunc predicti abbas et conuentus concesserunt pro se et successoribus suis quod reddent et restituent predictis magistro et fratribus vel suis successoribus dictas centum marcas si predictas v et x acras totaliter amittant vel eas totaliter vt predictum est includere fuerint prepediti Quibus quidem c marcis predictis magistro et fratribus taliter restitutis predicte v et x acre ad predictos abbatem et conuentum vel eorum successores in forma et statu quibus eas prius habuerunt plenarie et indilate reuertantur Si vero prenominati magister et fratres infra quinquennium supradictum partem aliquam dictarum v et x acrarum si appropriauerint tunc pro qualibet infra dictum tempus sic appropriata et possessa predicti abbas et conuentus de predictis c marcis xii s i d et ob sibi retineant Et residuum earundem c marcarum dictis magistro et fratribus sine dilacione restituant Residuum dictarum v et x acrarum in forma et statu quo prius fuerant in vsus dictorum abbatis et conuentus conuertendo scripto inde inter eos indentato quo ad partem amissam vel impeditam extunc neutri parti valituro Concesserunt preterea predicti magister et fratres pro se et successoribus suis quod si aliquo tempore ipsi vel successores sui ad sectam alicuius de predictis iiii et ii acris necnon de dictis v et x acris vel aliqua earum parte inplacitati fuerint vel per iudicium curie domini regis easdem vel aliquam earum partem amiserint quod ipsi versus predictos abbatem et conuentum vel eorum successores nichil petent vel petere possint quam vt rehabeant communam suam et alia proficua pro predictis iiii et ii acris relaxatis prout in quodam scripto inde inter eos indentato plenius continetur nec pro predictis v et x acris aliquid aliud quam predictas centum marcas vel earum partem in forma prescripta Et ad maiorem huius rei securitatem predicti magister et abbas pro se et successoribus suis coram iusticiariis domini regis de banco presens scriptum in omnibus suis articulis recognouerunt et promiserunt se futuris temporibus fideliter et firmiter seruaturos In cuius rei testimonium [] hiis testibus [] et est sine data