Charter Document - 01050145

Cvm lis et controuersia orta fuisset inter Robertum Baudewyne et Isoldam filiam eius ex parte vna et abbatem de Stonle et eiusdem loci conuentum ex parte altera super quibusdam exaccionibus commune pasture et quorundam racionabilium estoueriorum petitis a predictis Roberto et Isolda in vastis et boscis ipsorum abbatis et conuentus tandem communibus amicis interuenientibus contenciones predicte amicabiliter conquieuerunt in hunc modum videlicet quod predicti Robertus et Isolda per se et heredibus suis concesserunt remiserunt et omnino quietum clamauerunt predictis abbati et conuentui et eorum successoribus totum ius et clameum quod habuerunt vel aliquo iure vel titulo habere potuerunt in communa pastura et in omnibus racionabilibus estoueriis collectione glandium nucum ac quibuscumque aliis proficuis in omnibus vastis boscis terris et omnibus locis propriis eorundem abbatis et conuentus die confeccionis huius scripti inclusis approwatis et in terris vastis que Alexander le Vynter magister Thomas de Canle Felicia de la Sale tenent ex tradicione predictorum abbatis et conuentus Ita quod nec predicti Robertus et Isolda nec heredes sui nec aliquis per eos in quibuscumque boscis vastis terris approwatis et inclusis aliquod proficuum in posterum exigere vel habere poterunt inperpetuum Pro ista concessione remissione et quieta clamancia concesserunt predicti abbas et conuentus pro se et successoribus suis predictis Roberto et Isolde et eorum heredibus nomine excambii pro predictis proficuis quod iidem Robertus et Isolda teneant omnia tenementa sua in manerio de Stonle de predictis abbate et conuentu per seruicium vnius denarii argenti per annum in festo sancte Marie in Marcio annuatim soluendi pro eisdem tenementis Concesserunt eciam predicti abbas et conuentus pro se et successoribus suis nomine excambii pro predictis proficuis quod quoddam croftum apud Feldeneforde quod Alicia que fuit vxor Ricardi Vnderwode et Reginaldus filius eius tenent ad terminum vite eorum de predictis abbate et conuentu remaneat predictis Roberto et Isolde et eorum heredibus post fata predictorum Alicie et Reginaldi vna cum seruiciis et redditibus quem iidem Alicia et Reginaldus predicti abbati et conuentui pro crofto predicto facere debuerunt habend et tenend predictum croftum cum omnibus suis pertinenciis de predictis abbate et conuentu et eorum successoribus predictis Roberto et Isolde et eorum heredibus bene et in pace reddendo inde annuatim predictis abbati et conuentui et eorum successoribus vnam rosam ad festum Natiuitatis sancti Iohannis Baptiste pro omnibus seruiciis Ita tamen quod predicti Robertus et Isolda habeant in residuo forinseci bosci et vasti predictorum abbatis et conuentus in manerio de Stonle die confeccionis presencium [non approwati nec inclusi talem statum quo ad racionabilia estoueria communam pasture qualem habuerunt ante confeccionem presencium] nullo nouo iure aut titulo predictis Roberto et Isolde per presentes accrescente In cuius rei testimonium presenti scripto inter se diuiso partes mutuo sigilla sua apposuerunt Hiis testibus Roberto de Stoke Thoma Boydyn Rogero de la Mor Alexandro de Crulefeld Iohanne de Heyforde et aliis Datum apud Stonle in festo Exaltacionis sancte anno regni regis Edwardi filii regis Henrici vicesimo septimo