Charter Document - 01050068

Villata de Stonleya debet lxiiii s de tallagio assesso anno regni Edwardi patris regis huius xxxii pro Roberto Baudewyne et Thoma Aduluestre collectoribus predicti tallagii in comitatu Warrewyke sicut continetur in compoto eorundem de tallagio predicto in rotulo xxxv dicti regis Edwardi patris in compoto de tallagio predicto in comitatu Warrewyke Et debet vii libras iiii s ix d de tallagio manerii de Stanleye predicti assesso hoc anno sexto per Hugonem de Cressy et Adam de Brome in comitatu Warrewyke sicut continetur in rotulo assessionis tallagii predicti Et debet xviii s v d ob de tallagio mobilium abbatis de Stanleye in Stanleye hoc anno sexto sicut continetur ibidem et debet lvii s iii d ob qu de tallagio reddituum eiusdem abbatis in Stanleye dicto anno sexto sicut continetur ibidem Summa xiiii li iiii s vi d qu Set non debet inde summoniri per breue regis in quo continetur quod licet abbas de Stanleya teneat sokam de Stanleya per cartas regum Anglie in liberam puram et perpetuam elemosinam et abbates loci predicti seu eorum homines eiusdem soce a tempore confeccionis cartarum predictarum tallagium aliquod non prestiterunt Diuersi tamen assessores tallagii tam tempore patris regis tallagium super ipsum abbatem et homines suos soce predicte assederunt et rotulos suos de assessione huiusmodi ad scaccarium liberauerunt Quo pretextu dictus abbas et homines sui predicti pro huiusmodi tallagio distringuntur Per quod quidem breue rex mandat tenenti locum thesaurarii et baronibus quod inspectis cartis predictis scrutatisque rotulis et memorandis dicti scaccarii si per inspeccionem eorundem eis constare poterit abbates eiusdem loci et eorum homines tallagium a tempore predicto nullatenus prestitisse tunc ipsos inde quietos esse faciant non obstantibus aliquibus assessionibus sic factis seu liberacionibus dictorum rotulorum de nominibus predictis ad Scaccarium predictum Et per cartam regis Iohannis cuius data est xii die Maii anno regni sui quinto in memorandis anni septimi termino sancti Hillarii inter breuia directa baronibus irrotulatam et per confirmacionem regis Henrici filii eiusdem regis Iohannis irrotulatam ibidem In quibus continetur quod dictus rex Iohannes concessit et confirmauit deo et ecclesie sancte Marie de Stanleya et monachis ibidem deo seruientibus in liberam puram et perpetuam elemosinam totam Sokam de Stanleya et omnes redditus et consuetudines et rectitudines quas Henricus rex pater ipsius regis Iohannis ibi habuit salua regali iusticia et bruyllum de Wethele et essarta de Hurst cum pertinenciis Et per scrutinium rotulorum annalium tam dictorum regum Johannis et Henrici quam regis nunc [et patris] et patris sui predicti inde factum per quod non est compertum quod abbates eiusdem loci seu eorum homines eiusdem soce a predicto xii die Maii anno quinto dicti regis Iohannis tallagium aliquod non obstante prestiterunt in rotulo viii dicti regis Iohannis inueniatur quod Stanleya reddidit compotum de vii marcis de tallagio hominum suorum In thesauro nichil et in perdonis eidem abbati vii marce per breue regis Et quietus est Nec eciam obstante quod inueniatur in rotulo nono eiusdem regis Iohannis quod vicecomes oneratur de xxvi s de tallagio de essartis de Stanleya quia dicti abbas seu homines sui predicti per predictam acquietanciam nichil prestiterunt Et predicti xxvi s per predictum vicecomitem seu quemcumque alium non soluuntur sicut apparet per rotulos predicti regis Iohannis Et dictum tallagium dicto anno xxxii dicti regis Edwardi patris assessum idem abbas seu predicti sui homines minime prestiterunt Et per consideracionem tenentis locum thesaurarii et baronum per idem breue et per scrutinium antedictum et propter puram et perpetuam elemosinam supradictam et quieta est