Charter Document - 01045007
| Charter Number: | 01045007 |
|---|---|
| Cartulary Title: | Transcripts of Charters relating to the Gilbertine Houses of Sixle, Ormsby, Catley, Bullington, and Alvingham [Lincolnshire] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1154 - 1171 |
| Date type: | Assigned |
| Resource Link(s): |
|
Charter:
Episcopo Lincolniensi et omni capitulo sancte Marie Gaufridus filius Roberti de Chedintuna salutem Notum vobis facio quod ego consilio et concessione et assensu heredum meorum et omnium amicorum meorum concessi et hac carta confirmaui pro salute anime mee et patris et matris mee et omnium parentum meorum sanctimonialibus de Aluyngham ecclesiam de Chedingtuna cum omnibus apenticiis suis et totam terram que fuit Thurchil quam pater meus concessit ei pro suo seruicio cum omnibus suis adiacenciis et communem pasturam tocius terre mee et communes introitus et communes exitus et communes aquas Hec suprascripta concessi eis in puram elemosinam liberam et quietam ab omni terreno seruicio et terreno dono imperpetuum de me et de meis heredibus sine omni calumpnia possidendam Huius concessionis et confirmacionis hii sunt testes Robertus filius Willelmi de Chedintuna Fulco Rybalt Humfridus constabilarius Willelmus filius Anfridi Eustacius de Kateby Hernisius de Thedilthorpe Robertus filius Willelmi de Asfortby Germanus capellanus de Aluyngham Elfredus pelliparius Ricardus Cusyn Ricardus filius Swein de Netilham Gilbertus de Thetfort