Charter Document - 01030011
| Charter Number: | 01030011 |
|---|---|
| Cartulary Title: | The Cartulary of Lilleshall Abbey |
| Charter Language: | Latin |
| Charter Origin: | Religious |
| Charter Type(s): | Confirmation, Inspeximus |
| Date: | 1227 |
| Date type: | Internal, A.D. |
| Resource Link(s): |
|
Charter:
Omnibus Christi fidelibus presentes litteras inspecturis S permissione divina Cantuariensis minister humilis tocius Anglie primas et sancte Romane ecclesie cardinalis salutem in domino Noverit universitas vestra nos inspexisse cartam confirmacionis bone memorie Huberti predecessoris nostri in qua continetur ipsum confirmasse autenica scripta pie memorie B quondam predecessoris ipsius et Ricardi quondam episcopi Coventrensis in quibus idem rata habentes confirmaverunt donacionem quam clare memorie Henricus rex Anglorum illustris dilectis filiis canonicis de Lilleshull intuitu dei fecit et carta sua confirmavit videlicet super ecclesia sancte[] Marie de Lilleshull et super loco in quo ecclesia eorundem canonicorum Ad sita et super ecclesia sancti Alcmundi de Salop cum omnibus pertinenciis suis sicut in carta ipsius continentur Inspeximus etiam cartam confirmacionis venerabilis fratris A episcopi Coventrensis super donacionibus S H Johannis illustrium Anglorum regum dictis canonicis pie factis super ecclesia Sancti Alcmundi de Salop cum omnibus pertinenciis suis ut in carta ipsa continetur expressum cum concessionibus et confirmacionibus Walteri Ricardi et Hugonis predecessorum episcopi memorati Cartam quoque confirmacionis donacionum regum predecessorum[] a priore et conventu Coventr[] canonicis ipsius concessam inspeximus diligenter Que omnia sicut rationabiliter facta sunt presenti scripto et sigilli nostri munimine dictis canonicis de Lilleshull duximus confirmandam In cuius rei has litteras nostras eis duximus concedendas Acta anno domini millesimo ducentes vicesimo septimo mense Septembre
Source (click image below to view full size)
