Charter Document - 01020043

Cum contencio mota esset inter dominum Willelmum de Clyfton ex una parte et Johannem de Barton ex altera videlicet quod cum predictus dominus Willelmus de Clyfton petiuisset contra predictum Johannem plura seruicia et seruagia de manerio ipsius Johannis de Barton in Barton videlicet quod idem Johannes et heredes sui custodirent filios et filias ipsius domini Willelmi et heredum suorum cum nutricibus eorundem puerorum sumptibus ipsius Johannis et heredum suorum infra manerium de Barton Et etiam quod idem Johannes et heredes sui inuenirent omnia nesessaria et sumptiis equis et pullanis canibus hostricibus falconibus speruariis et hominibus suis predictos equos et pullanos canes hostrices falcones speruarios custodientibus quotiens quando et quamdiu idem dominus Willelmus et heredes sui duxerint faciendum Et quod idem Johannes et heredes sui inuenirent eidem domino Willelmo et heredibus suis infra manerium de Barton predictum tria festa per annum sumptibus eiusdem Johannis et heredum suorum Et quod homines predicti domini Willelmi et heredum suorum ponerentur in quolibet officio infra predictum manerium existente ad seruiendum et faciendum prout predictus dominus Willelmus et heredes sui duxerint ordinandum et percipiendum predictis festis durantibus Et quod idem dominus Willelmus et heredes sui caperent omnia estoueria sua et hominum suorum de manerio suo de Clyfton in omnibus boscis manerii ipsius Johannis de Barton ad edificandum et comburendum pro voluntate ipsius domini Willelmi et heredum suorum et hominum suorum Et quod idem dominus Willelmus et heredes sui et homines sui de manerio de Clyfton predicto haberent omnes porcos suos infra boscum de Barton toto tempore pessonis quietos de pannagio Tandem per amicos in utraque parte in hunc modum quieuit contencio Videlicet quod predictus dominus Willelmus pro se et heredibus suis remisit et imperpetuum omnino quietumclamauit predicto Johanni de Barton et heredibus suis omnia predicta seruicia seruagia demandas et consuetudines Ita tamen quod idem Johannes et heredes sui teneant predictum manerium de Barton de predicto domino Willelmo et heredibus suis per alia seruicia inde debita et consueta Pro hac autem remissione et quietumclamatione predictus Johannes concessit pro se et heredibus suis predicto domino Willelmo de Clyfton et heredibus suis quod idem dominus Willelmus et heredes sui libere capant in omni communi bosco de Barton de mortuo bosco exceptis quadam claustura que vocatur parcus de Barton et boscis infra campos de Barton ipsius Johannis sufficienter sine visu forestariorum ipsius Johannis ad edificandum claudendum et comburendum in capitali mesuagio ipsius domini Willelmi de Clyfton in Clyfton ad proprios usus suos et heredum suorum cum libero introitu et exitu per medium campi ipsius Johannis de Barton ad cariandum absque dampnis in blado et in prato faciendis Concessit etiam predictus Johannes pro se et heredibus suis predicto domino Willelmo et heredibus suis quod ipse Willelmus et heredes sui habeant quinquaginta porcos toto tempore pessonis in toto illo bosco exceptis predicta claustura et boscis infra campos cum libero introitu et exitu ad eosdem porcos fugandos et refugandos ad predictum boscum sine dampnis in blado et in prato faciendis Concessit etiam idem Johannes pro se et heredibus suis predicto domino Willelmo et heredibus suis quod tenentes ipsius domini Willelmi et heredum suorum in Clyfton manentes in omnibus toftis suis qui fuerunt tofti die confeccionis presentium habeant estoueria sua rationabilia ad edificandum tantummodo mesuagia et tofta illa de mortuo bosco in certo loco bosci qui vocatur Stockorheuid cum libero introitu et exitu ad cariagium inde faciendum ad minus dampnum faciendum per visum alicuius proprii seruientis ipsius domini Willelmi vel heredum suorum venientis cum tenentibus illis et petentis estoueria illa et per visum forestarii ipsius Johannis de Barton vel heredum suorum capienda Ita tamen quod predictus Johannes vel heredes sui cloudere et approwiare possint predictos boscos si sibi viderint expedire non obstantibus concessionibus supradictis Saluis eidem domino Willelmo et heredibus suis et tenentibus suis estoueriis suis et libertatibus prescriptis in forma prescripta capiendis In cuius rei testimonium presentibus scriptis cyrografphatis sigilla sua alternatim sunt appensa Hiis testibus domino Johanne de Hodeliston domino Roberto de Lathum domino Henrico de Kyghley domino Willelmo Banastre militibus Thoma Trauers tunc vicecomite Lancastrie Ricardo de Hoghton Gilberto de Singelton et Willelmo de Sotheworth et aliis Datum apud Lancastre die lune proxima ante festum Tyburcy et Valleriani anno Regni Regis Edwardi tricesimo secundo