Charter Document - 01000135
| Charter Number: | 01000135 |
|---|---|
| Cartulary Title: | The Charters of Norwich Cathedral Priory |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1285 |
| Date type: | Internal, Feast, Regnal |
| Resource Link(s): |
|
Charter:
Hec est conventio facta inter Willelmum de Kirkeby priorem ecclesie sancte Trinitatis de Norwyco ex parte una et Henricum de Heth capellanum ex altera videlicet quod cum idem prior teneat unum manerium cum pertinentiis in Gatele quod fuit Thome Herlewyn[] per servitium inveniendi quendam capellanum singulis annis divina celebrantem pro anima eiusdem Thome et pro animabus omnium fidelium defunctorum in quadam capella sancte Marie infra clausum predicti manerii sita Ac ipse prior per assensum conventus predictum Henricum capellanum ad cantariam ibidem faciendam tota vita ipsius Henrici elegit et pro officio illo fideliter faciendo prout decet prefato Henrico concedit quadraginta solidos argenti solvendos ad terminos subscriptos videlicet ad festum sancti Andree apostoli unam marcam ad festum annuntiationem beate Marie unam marcam et ad festum nativitatem beati Johannis baptiste unam marcam simul cum quindecim acris terre jacentibus in eadem villa in quinque peciis in allocatione unius marce Quarum una pecia vocatur Dotescroft et continet septem acris alia pecia jacet inter mesuagium quod fuit Willelmi Capel ex parte australi et mesuagium Alicie filie Reginaldi ex parte aquilonali tercia pecia jacet inter terram domini Johannis de Munpinzoun ex parte aquilonali et terram Willelmi Overmor ex parte australi quarta pecia jacet inter terram domini Ricardi de la Rokele ex parte aquilonali et terram Simonis Purcel ex parte australi quinta pecia vocatur Litlehagh[] Habend eidem Henrico cum predictis quadraginta solidis tota vita ipsius Henrici dum cantariam illam competenter facere poterit libere quiete ab omni servitio seculari Et predictus prior per assensum conventus predictas quindecim acras terre cum predictis quadraginta solidis eidem Henrico tota vita sua per servitium cantarie illius warantizabunt acquietabunt et defendent contra omnes Ita quod post decessum ipsius Henrici predicta terra a cum pertinentiis predictis priori et conventui integre revertatur Pro hac autem concessione idem Henricus assumpsit sibi onus fideliter per se vel per alium capellanum ydoneum cantarium illam prout decet fideliter et honeste facere In cuius rei testimonium huic scripto ad modum cyrographi confecto tam dictus Willelmus prior quam predictus Henricus capellanus signa sua apposuerunt Ita quod parti que penes dictum Willelmum priorem residet signum dicti Henrici capellani est appensum et parti que penes dictum Henricum residet signum dicti Willelmi prioris est appositum Dat[] apud Norwycum die veneris in festo innocentium anno regni regis Edwardi quarto decimo
Source (click image below to view full size)
