Charter Document - 01000109
| Charter Number: | 01000109 |
|---|---|
| Cartulary Title: | The Charters of Norwich Cathedral Priory |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1280 |
| Date type: | Internal, Feast, Regnal |
| Resource Link(s): |
|
Charter:
Anno regni regis Edwardi filii regis H octavo die jovis proxima post festum nativitatis sancti Johannis baptiste ita convenit inter Ranulphum filium Johannis de Hyldolveston[] ex una parte et Adam fratrem eius ex altera quod cum predicti Ranulphus et Ada feofati fuerunt conjunctim de quibusdam tenementis in Hyldolveston[] per Johannem de Hyldolveston patrem predictorum Ranulphi et Ade qui eisdem predicta tenementa dedit et per cartam suam confirmavit videlicet quod prefatus Ranulphus concessit et quietum clamavit pro se et heredibus suis prefato Ade et heredibus suis et quibuscumque assignatis suis medietatem omnium predictorum tenementorum sine ullo retenemento ut in mesuagiis domibus arboribus et edificiis terris arabilibus pratis pasturis pascuis communis homagiis redditibus wardis releviis excaetis introitibus exitibus cum omnibus proficuis et aysiamentis ad predicta tenementa spectantibus Tenend et habend dicto Ade et heredibus suis et quibuscumque assignatis suis libere quiete hereditarie bene et in pace imperpetuum de capitalibus dominis feodi illius faciendo eisdem dominis servitium pro predicta medietate debitum et consuetum Pro hac autem concessione et quieta clamantia dictus Ada concessit et quietum clamavit pro se et heredibus suis dicto Ranulpho et heredibus suis et quibuscumque assignatis suis aliam medietatem omnium predictorum tenementorum sine ullo retenemento ut in mesuagiis domibus arboribus edificiis terris arabilibus pratis pasturis pascuis communis homagiis redditibus wardis releviis excaetis introitibus exitibus cum omnibus proficuis et aysiamentis ad predicta tenementa spectantibus Tenend et habend dicto Ranulpho et heredibus suis et quibuscumque assignatis suis libere quiete hereditarie bene et in pace imperpetuum de capitalibus dominis feodi illius faciendo eisdem dominis servitium pro predicta medietate debitum et consuetum Concesserunt insuper predicti Ranulphus et Ada quod neuter eorum in portione predictorum tenementorum alterum contingente aliquid juris vel clamei decetero exigere vendicare poterunt In cuius rei testimonium duo scripta ad modum cyrographi sicut confecta quorum una remanet penes predictum Adam sigillo dicti Ranulphi signatum et aliud remanet penes predictum Ranulphum sigillo dicti Ade signatum Testibus domino Simone de Noers domino Thome de Hakeford[] Johanne de Norton[] Thoma de Byrston[] Roberto le Gros de Geystweyt Roberto de cruce de eadem Johanne filio suo Rogero filio Eborardi Johanne de haye de Salle Simone del haye de eadem Willelmo de Torp Johanne de Acre Philippo de Dalling Galfrido de Tyeby Willelmo Yve Hamone filio suo Stephano Brid Eborardo filio suo Gervasio de Sparham et aliis
Source (click image below to view full size)
